കോഴിക്കോട് തൂണേരിയിൽ കൊവിഡ് രോഗിയായ മത്സ്യവ്യാപാരിയുടെ കട അടിച്ചു തകർത്തു. പുറമേരി വെള്ളൂർ റോഡിലുള്ള കട ഇന്നലെ രാത്രിയോടെയാണ് അജ്ഞാതർ തകർത്തത്. കടയുടെ ഷട്ടറും മത്സ്യം വിൽക്കുന്ന സ്റ്റാൻഡുമാണ് നശിപ്പിച്ചത്. രാവിലെ ഇതുവഴി എത്തിയ നാട്ടുകാരാണ് വിവരം പൊലീസിനെ അറിയിച്ചത്.
നാദാപുരം പൊലീസ് കേസെടുത്ത് അന്വേഷണം ആരംഭിച്ചു. കഴിഞ്ഞ മാസം 28 നാണ് മത്സ്യവ്യാപാരിക്ക് കൊവിഡ് സ്ഥിരീകരിച്ചത്. തലശേരി സ്വദേശി ആസ്യയുടെ സമ്പർക്കം വഴിയാണ് രോഗം ബാധിച്ചത്. ഇതിനെ തുടർന്ന് തൂണേരി ഉൾപ്പെടെ സമീപത്തെ 5 പഞ്ചായത്തുകൾ കണ്ടെയ്ൻമെന്റ് സോണായി പ്രഖ്യാപിച്ചു.
