കോണ്‍ഗ്രസ്സില്‍ കാലുമാറ്റവും കൂറുമാറലും പുതിയ കാര്യമൊന്നുമല്ല. വേറെ പണിയൊന്നുമില്ലെങ്കില്‍ ചര്‍ച്ച ചെയ്യാവുന്ന കാര്യം മാത്രമാണത്. പക്ഷേ ഇപ്പോള്‍ നടക്കുന്ന കാലുമാറ്റ ശ്രമവും മധ്യപ്രദേശില്‍ മാസങ്ങള്‍ക്ക് മുന്‍പ് നടന്ന കാലുമാറ്റവും വലിയ പ്രാധാന്യമര്‍ഹിക്കുന്നുണ്ട്.
ഉപ മുഖ്യമന്ത്രി സ്ഥാനം ഒക്കെ എന്ത്! മുഖ്യമന്ത്രി ആകണം എന്നാണ് സച്ചിന്‍ പൈലറ്റിന്‍റെ ആഗ്രഹം. മിസ്റ്റര്‍ സച്ചിന്‍ പൈലറ്റ് നിങ്ങളെക്കാള്‍ ഞങ്ങള്‍ക്ക് പ്രിയം സംഘപരിവാര്‍ രാഷ്ട്രീയത്തിനെതിരെ ഉറച്ച് ശബ്ദിക്കുന്ന ആ മനുഷ്യനെയാണ്. താങ്കളുടെ ഭാഷയില്‍ പറഞ്ഞാല്‍ ആ കടല്‍ കിഴവനെ, അശോക് ഗഹലോട്ടിനെ.
