മമ്മുട്ടി മുഖ്യമന്ത്രിയായി അഭിനയിക്കുന്ന ചിത്രമാണ് 'വണ്'. ജനാധിപത്യത്തെ കുറിച്ചും ജനങ്ങളോട് ജനപ്രതിനിധികള് പുലര്ത്തേണ്ട സമീപനത്തെ കുറിച്ചുമെല്ലാം ഹീറോയിസം ചോര്ന്നു പോകാതെ വാചാലമാകുന്ന മമ്മൂട്ടി സിനിമ. കടയ്ക്കല് ചന്ദ്രന് എന്ന മുഖ്യമന്ത്രിയ്ക്കാണ് മമ്മുട്ടി ഈ ചിത്രത്തിലൂടെ ജീവന് നല്കുന്നത്. ''ജനങ്ങളെ ഭരിക്കാനല്ല സര്, ജനങ്ങള്ക്ക് വേണ്ടി ഭരിക്കാനൂള്ളതാവണം ജനാധിപത്യ സര്ക്കാര്''- ടീസറില് പുറത്തുവിട്ട ചിത്രത്തിലെ പഞ്ച് ഡയലോഗ് ആണിത്.
തിരുവനന്തപുരത്താണ് ചിത്രത്തിന്റെ ഷൂട്ടിംഗ് പുരോഗമിക്കുന്നത്. ഇച്ചായീസ് പ്രൊഡക്ഷന്സിനു വേണ്ടി സന്തോഷ് വിശ്വനാഥന് ആണ് ചിത്രം സംവിധാനം ചെയ്യുന്നത്. ക്യാമറ ആര്. വൈദി സോമസുന്ദരം. ചിത്രത്തിന്റെ സംഗീത സംവിധാനം നിര്വ്വഹിക്കുന്നത് ഗോപി സുന്ദറാണ്.
ജോജു ജോര്ജ്, മുരളി ഗോപി, ഗായത്രി അരുണ്, സുദേവ് നായര്, തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. നടന് കൃഷണകുമാറിന്റെ മകളും അഹാന കൃഷണകുമാറിന്റെ സഹോദരിയുമായ ഇഷാനി കൃഷണ ഈ ചിത്രത്തില് ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.