അനുപമ പരമേശ്വരൻ നായികയാവുന്ന പുതിയ തമിഴ് ചിത്രമായ തള്ളി പോഗാതെയുടെ ഫസ്റ്റ് ലുക്ക് പോസ്റ്റർ പുറത്ത്. ആർ കണ്ണൻ സംവിധാനം ചെയ്യുന്ന ചിത്രത്തിന്റെ പോസ്റ്റർ അനുപമ തന്നെയാണ് ട്വിറ്ററിലൂടെ പുറത്തുവിട്ടത്. ചിത്രത്തിലെ നായകനായ യുവനടൻ അഥർവ മുരളിക്കൊപ്പമുള്ള ചിത്രമാണ് പോസ്റ്ററിലുള്ളത്.
ജയംകൊണ്ടാൻ, കണ്ടേൻ കാതലൈ, സെട്ടയ്, ബൂമറാങ് തുടങ്ങിയ ചിത്രങ്ങളുടെ സംവിധായകനാണ് ആർ കണ്ണൻ. പ്രണയകഥയാണ് തള്ളി പോഗാതെ പറയുന്നതെന്നും ചിത്രത്തിന്റെ ട്രെയ്‌ലർ, ഓഡിയോ റിലീസ് തിയ്യതികൾ ഉടൻ പ്രഖ്യാപിക്കുമെന്നും സംവിധായകൻ പറഞ്ഞു.
അൽഫോൻസ് ചിത്രം സംവിധാനം ചെയ്ത 'പ്രേമ'ത്തിലൂടെ അരങ്ങേറ്റം കുറിച്ച അനുപമ പരമേശ്വരൻ ജോമോന്‍റെ സുവിശേഷമാണ് അവസാനം അഭിനയിച്ച മലയാള ചിത്രം. അനുപമ നായികയാകുന്ന ഷംസു സൈബയുടെ 'മണിയറയിലെ അശോകൻ' ഉടൻ പുറത്തിറങ്ങും.
