മോഹൻലാലിനെ നായകനാക്കി പ്രിയദർശൻ ഒരുക്കുന്ന മരയ്ക്കാർ- അറബിക്കടലിന്റെ സിംഹം എന്ന സിനിമയുടെ ട്രെയിലർ പുറത്തുവന്നു. തകർപ്പൻ ഡയലോഗുകളും മാസ് സീനുകളുമാണ് ട്രെയിലറിനെ ശ്രദ്ധേയമാക്കുന്നത്. മലയാളം ഉൾപ്പടെ അഞ്ച് ഭാഷകളില് റിലീസ് ചെയ്യുന്ന സിനിമ 2020 മാര്ച്ച് 19-ന് തിയേറ്ററുകളില് എത്തും. മലയാള സിനിമ ഇന്നേവരെ കണ്ടതില്വെച്ച് ഏറ്റവും മികച്ച സാങ്കേതിക വിദ്യയാണ് ചിത്രത്തില് ഉപയോഗിച്ചിരിക്കുന്നതെന്ന് മോഹന്ലാല് പറഞ്ഞു.
തമിഴ്, ഹിന്ദി, കന്നഡ്, തെലുങ്ക് ഭാഷകളിലും ട്രെയിലർ റിലീസായി. മലയാളത്തിൽ മോഹൻലാലും ഹിന്ദിയിൽ അക്ഷയ് കുമാറും, തമിഴിൽ സൂര്യയും തെലുങ്കിൽ ചിരഞ്ജീവിയും കന്നഡയിൽ രാംചരണുമാണ് ട്രെയിലർ പുറത്തുവിട്ടത്. നെടുമുടി വേണു, മഞ്ജു വാര്യര്, സുനില് ഷെട്ടി പ്രണവ് മോഹന്ലാല്, സുനില് ഷെട്ടി തുടങ്ങിയ താരങ്ങളുടെ നീണ്ട നിര തന്നെ ചിത്രത്തിലുണ്ട്.
