സ്വാതന്ത്ര്യസമര പോരാളിയും ഖിലാഫത്ത് നേതാവുമായിരുന്ന വാരിയംകുന്നത്ത് കുഞ്ഞഹമ്മദ് ഹാജിയെ കുറിച്ചുള്ള 'വാരിയംകുന്നന്' എന്ന സിനിമയാണ് കേരളം ഇപ്പോള് ചര്ച്ചചെയ്യുന്ന പ്രധാന വിഷയം. വാരിയംകുന്നന് തക്ബീര് മുഴക്കിയ മലയാളി ചെ ഗുവേരയാണെന്ന് പ്രമുഖ സാമൂഹ്യ വിമര്ശകനായ കെ. ഇ. എന് അഭിപ്രായപ്പെടുന്നു. പെട്ടന്നുള്ള ആവേശത്തില് പറയുന്ന ഒരു ഉപമയല്ല അത്.
ബ്രിട്ടീഷുകാരെയും അവരുടെ സഹായാത്രികരെയും നിഷ്കരുണം നേരിടുന്നതില് വാരിയന്കുന്നത്ത് ഒരുതരത്തിലുള്ള വിഭാഗീയതയും കാണിച്ചിട്ടില്ല. ബ്രിട്ടീഷുകാര്ക്കെതിരായുള്ള വാരിയന്കുന്നത്തിന്റെ പോരാട്ടത്തില് സാമ്രാജ്യത്വവിരുദ്ധ നിലപാടുള്ള എല്ലാ ജനവിഭാഗങ്ങളും ഒരുമിച്ചുനിന്നതാണ് ചരിത്രമെന്ന് കെ. ഇ. എന് ഓര്മ്മിപ്പിക്കുന്നു.