കൊച്ചി: നടന് നിവിന് പൊളി നിര്മ്മിച്ച 'കനകം കാമിനി കലഹം' സിനിമയെ അഭിനന്ദിച്ചുള്ള പോസ്റ്റിന് താഴെയുള്ള വിമര്ശനങ്ങള്ക്ക് മറുപടിയുമായി അജു വര്ഗീസ്. ''ഞാന് ചെയ്യുന്ന കഥാപാത്രങ്ങളെ അഭിനന്ദിക്കാനും വിമര്ശിക്കാനും നിങ്ങള്ക്ക് സ്വാതന്ത്ര്യമുണ്ട്. എന്നാല് ഞാന് കാണുന്ന സിനിമകള് നിങ്ങളുടെ ഇഷ്ടത്തിനാകണമെന്ന് വാശിപിടിക്കരുത്''- എന്നാണ് അജു വര്ഗീസിന്റെ പ്രതികരണം. ഏറെ നാളുകള്ക്ക് ശേഷമാണ് ഉറക്കെ ചിരിപ്പിച്ച വിസ്മയകരമായ സിനിമ കണ്ടെതെന്നായിരുന്നു അജു സോഷ്യല് മീഡിയായില് പോസ്റ്റ് ചെയ്തത്. നടന്റെ ഈ പോസ്റ്റിനടിയിലാണ് ആരാധകര് വിമര്ശനവുമായി എത്തിയത്. എന്തിനാണ് മോശം സിനിമകള്ക്ക് ഇത്രയധികം പ്രോത്സാഹനം നല്കുന്നതെന്നായിരുന്നു ആരാധകരുടെ ചോദ്യം.
'ആന്ഡ്രോയ്ഡ് കുഞ്ഞപ്പന്' ശേഷം രതീഷ് പൊതുവാള് സംവിധാനം ചെയ്യുന്ന 'കനകം കാമിനി കലഹം' കഴിഞ്ഞ ദിവസമാണ് ഡിസ്നി പ്ലസ് ഹോട്ട്സ്റ്റാറില് റിലീസ് ചെയ്തത്. സമ്മിശ്ര പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്. ചിത്രത്തില് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത് നിവിന് പോളി, വിനയ് ഫോര്ട്ട്, ഗ്രെയ്സ് ആന്റണി, സുധീഷ്, ജോയ് മാത്യു, ജാഫര് ഇടുക്കി, ശിവദാസന് കണ്ണൂര്, സുധീര് പറവൂര്, രാജേഷ് മാധവന്,വിന്സി അലോഷ്യസ് എന്നിവരാണ്. ചിത്രത്തിന്റെ ഛായാഗ്രഹണം വിനോദ് ഇല്ലംപള്ളിയാണ്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
വിനോദസഞ്ചാര കേന്ദ്രത്തിലെ ഒരു റിസോർട്ടിൽ എത്തുന്ന ദമ്പതികളും അവിടെ അവരെ എതിരേല്ക്കുന്ന രസകരമായ സംഭവങ്ങളുമാണ് കഥയുടെ ഇതിവൃത്തം. സ്ത്രീകള്ക്ക് സ്വര്ണത്തോടുള്ള താത്പര്യവും അതമൂലം കുടുംബങ്ങളിലുണ്ടാകുന്ന ചെറിയ ചെറിയ പ്രശ്നങ്ങളുമാണ് സിനിമയില് അവതരിപ്പിച്ചിരിക്കുന്നത്.
