തെറ്റായ സന്ദേശം പ്രചരിപ്പിച്ചതില് മുന് കേന്ദ്രമന്ത്രി അല്ഫോണ്സ് കണ്ണന്താനം ഖേദം പ്രകടിപ്പിച്ചു. ഇംഗ്ലണ്ടിലുള്ള ഇന്ത്യാക്കാരെ പ്രത്യേക വിമാനത്തില് നാട്ടിലെത്തിക്കുമെന്നായിരുന്നു അൽഫോൻസ് കണ്ണന്താനത്തിന്റെ ഫേസ് ബുക്ക് പോസ്റ്റ്. കണ്ണന്താനത്തിന്റെ അറിയിപ്പിനെ തുടർന്ന് നിരവധി പേർ ഇന്ത്യൻ എംബസിയുമായി അന്വേഷണവുമായി എത്തി. എന്നാൽ കണ്ണന്താനത്തിന്റേത് വ്യാജവാർത്തയാണെന്ന് ലണ്ടനിലെ ഇന്ത്യൻ ഹെെക്കമ്മീഷൻ വ്യക്തമാക്കി. ഇതിനെ തുടർന്നാണ് കണ്ണന്താനം ഖേദം പ്രകടിപ്പിച്ചത്.
താൻ അംഗമായ ഐഎഎസ് കാരുടെ വാട്സ്ആപ്പ് ഗ്രൂപ്പിൽ നിന്നാണ് ഇത്തരം വിവരം ലഭിച്ചതെന്ന് കണ്ണന്താനം പറഞ്ഞു. ആധികാരികമാണെന്ന് കരുതിയാണ് ഫേസ്ബുക്കിൽ വിവരം ഷെയർ ചെയതതെന്നും അദ്ദേഹം പറഞ്ഞു. വിദേശ കാര്യമന്ത്രാലയുവുമായി ബന്ധപ്പെട്ട് യാത്രാ സൗകര്യം ഏർപ്പെടുത്താൻ ശ്രമിച്ചിരുന്നു. എന്നാൽ സാധ്യമായില്ലെന്നും അൽഫോൻസ് കണ്ണന്താനം ഫേസ്ബുക്കിൽ അറിയിച്ചു
