സംസ്ഥാന സര്ക്കാര് പ്രഖ്യാപിച്ച സൗജന്യ പലവ്യഞ്ജന കിറ്റുകളുടെ വിതരണം ആരംഭിച്ചു. ഉച്ചമുതലാണ് കിറ്റുകൾ വിതരണം തുടങ്ങിയത്. ലോക്ഡൗണിന്റെ പശ്ചാത്തലത്തിലാണ് റേഷൻ കാർഡ് ഉടമകൾക്ക് സൗജന്യ കിറ്റ് വിതരണം ചെയ്യാൻ സർക്കാർ തീരുമാനിച്ചത്. ആദ്യഘട്ടത്തില് ആദിവാസി ഊരുകളിലെ കുടുംബങ്ങള്ക്കാണ് വിതരണം ചെയ്യുക. അടുത്ത ഘട്ടത്തിൽ സംസ്ഥാനത്തെ എഎവൈ കാര്ഡുടമകള്ക്ക് കിറ്റ് വിതരണം ചെയ്യും.
17 ഇന പലവ്യഞ്ജനങ്ങളാണ് കിറ്റിൽ ഉണ്ടാവുക. വിഷുവിന് മുമ്പ് 5.92 ലക്ഷം വരുന്ന മഞ്ഞകാര്ഡുകാര്ക്ക് കിറ്റ് വിതരണം പൂര്ത്തിയാക്കാനാണ് ഭക്ഷ്യ സിവില് സപ്ലൈസ് വകുപ്പിന്റെ തീരുമാനം. ഏപ്രില് 15 മുതല് പിങ്ക് കാര്ഡുകാര്ക്ക് കിറ്റുകള് നല്കും. അതിനുശേഷം മാത്രമേ എപിഎല് വിഭാഗത്തില്പ്പെട്ട നീല, വെള്ള കാര്ഡുകാര്ക്കുള്ള കിറ്റുകള് വിതരണം ചെയ്യൂ. ഈ മാസം 30 ഓടെ വിതരണം പൂര്ത്തിയാക്കും. കാർഡിൽ പേരുള്ളവർക്ക് മാത്രമേ കിറ്റുകള് കൈപ്പറ്റാനാകൂ.