തിരുവനന്തപുരം : പ്രവാസി മലയാളികള്ക്ക് നാട്ടിലേക്കെത്താന് അടുത്തമാസം വരെ കാത്തിരിക്കണമെന്ന് വിദേശകാര്യ സഹമന്ത്രി വി.മുരളീധരന് പറഞ്ഞു. ഒരു ചാനല് അഭിമുഖത്തില് സംസാരിക്കുകയായിരുന്നു മന്ത്രി മുരളീധരന്. സ്ഥിതിഗതികള് മെച്ചപ്പെടുമ്പോള് എല്ലാവരെയും തിരികെയെത്തിക്കും.
ജോര്ദ്ദാനില് കുടുങ്ങിയ സിനിമാ സംഘവും വിവിധ രാജ്യങ്ങളിലെ പ്രവാസികളും ,വിദ്യാര്ത്ഥികളും താല്പര്യം പ്രകടിപ്പിച്ചിട്ടുണ്ട്.കാര്യങ്ങള് നിയന്ത്രണ വിധേയമാകുമ്പോള് ഇതിലെല്ലാം തുടര്നടപടികള് സ്വീകരിക്കുമെന്നും മന്ത്രി വ്യക്തമാക്കി.
യു.എ.ഇ.യില് മലയാളി അസോസിയേഷന്റെയും അവിടുത്തെ സര്ക്കാരിന്റെ സഹായത്തോടെ ഇന്ത്യന് സ്കൂളുകളും മറ്റും ഏറ്റെടുത്ത് കോവിഡ് നിരീക്ഷണ കേന്ദ്രങ്ങള് ഒരുക്കും. ലേബര് ക്യാംപുകളില് ഭക്ഷണവും മരുന്നും എത്തിക്കുമെന്നും വിദേശകാര്യ സഹമന്ത്രി വി.മുരളീധരന് പറഞ്ഞു