49,914- പേര് ഗുരുതരാവസ്ഥയില്
ഇതുവരെ ലോകത്താകെ കൊറോണ വൈറസ് ബാധയേറ്റു മരണമടഞ്ഞവരുടെ എണ്ണം 103,506 എന്നാണ് കണക്ക്. രോഗം ബാധിച്ച് ചികിത്സയില് കഴിയുന്നവരുടെ എണ്ണം പതിനേഴുലക്ഷം കവിഞ്ഞു. ഏറ്റവും പുതിയ കണക്കനുസരിച്ച് 17,10,152 പേര് രോഗം ബാധിച്ച് ചികിത്സയിലാണ്. വേള്ഡ് ഓ മീറ്ററിന്റെ കണക്കനുസരിച്ച് 49,914 - പേര് രോഗബാധ മൂലം ഗുരുതരാവസ്ഥയിലാണ്. 382,049-പേര് സുഖം പ്രാപിച്ചു.
ഫ്രാന്സില് 24 മണിക്കൂറിനകം 987- പേര് മരിച്ചു
കൊറോണ ബാധയും മരണനിരക്കും ഏറ്റവും ഉയര്ന്ന ഇറ്റലിയെ മറികടക്കുന്ന തരത്തില് നിയന്ത്രണാതീതമാണ് ഫ്രാന്സിലെ അവസ്ഥ. കഴിഞ്ഞ 24 മണിക്കൂറിനുള്ളില് 987- പേര് മരണമടഞ്ഞു ഫ്രാന്സില് ഇതിനകം ആകെ 13, 197 പേര് മരണപ്പെട്ടു. 1,24,869 പേര്ക്കാണിവിടെ രോഗം ബാധിച്ചിരിക്കുന്നത്.
ഇറ്റലി - മരണസംഖ്യയില് നേരിയ കുറവ്
രോഗബാധിതരില് മൂന്നിലൊന്ന് യൂറോപ്പില് നിന്നാണ്. ഇറ്റലിയില് കഴിഞ്ഞ 24 മണിക്കൂറിനുള്ളില് 570 പേരാണ് മരണപ്പെട്ടത്. ഇറ്റലിയിലാകെ മരണപ്പെട്ടവരുടെ എണ്ണം 18, 849 ആയി. 1,47,577- പേര്ക്കാണ് ഇറ്റലിയില് രോഗ ബാധയുണ്ടായത്. ഇന്നലെ ഇറ്റലിയില് മരണസംഖ്യയില് നേരിയ കുറവാണ് രേഖപ്പെടുത്തിയത്.
സ്പെയിന് മരണനിരക്കില് നേരിയ കുറവ്
സ്പെയിനില് കഴിഞ്ഞ 24 മണിക്കൂറിനുള്ളില് 782 സ്പെയിനില് ഇതിനകം 16, 625 - പേര് മരണപ്പെട്ടു. 1,65,431- പേര്ക്കാണ് സ്പെയിനില് രോഗ ബാധയുണ്ടായത്. കഴിഞ്ഞ ദിവസത്തെ അപേക്ഷിച്ച് മരണ സംഖ്യയില് 500 ന്റെ യെങ്കിലും കുറവ് രേഖപ്പെടിത്തിയത് വലിയ ആത്മവിശ്വാസം പകര്ന്നിട്ടുണ്ട്.
ജര്മ്മനിയില് 24 മണിക്കൂറിനകം മരണപ്പെട്ടത് 129 പേര് മാത്രം
എന്നാല് യൂറോപ്പില് രോഗ ബാധയില് തൊട്ടു പിറകിലുള്ള ജര്മ്മനിയില് പക്ഷെ മരണനിരക്ക് കുറയ്ക്കാന് അവര്ക്ക് കഴിഞ്ഞിട്ടുണ്ട് എന്നാണ് കണക്കുകള് നല്കുന്ന സൂചന. കഴിഞ്ഞ 24 മണിക്കൂറിനകം മരണപ്പെട്ടത് 129പേര് മാത്രമാണ്
ജര്മ്മനിയില് ഇതുവരെ 2,736 - പേരാണ് മരണപ്പെട്ടത്. എന്നാല് രോഗബാധിതരുടെ എണ്ണം 122,171 - ആണ്.
അമേരിക്കയില് 24 മണിക്കൂറിനകം മരണപ്പെട്ടത് 2,078 പേര്
അമേരിക്കയില് അഴിഞ്ഞ 24 മണിക്കൂറിനുള്ളില് 2,078 പേരാണ് മരണപ്പെട്ടത്. കഴിഞ്ഞ ദിവസം 1900 പേരാണ് മരണപ്പെട്ടത്. ലോകത്തെ മറ്റെല്ലാ രാഷ്ട്രങ്ങളെയും അപേക്ഷിച്ച് കോവിഡ്-19 മൂലമുള്ള മരണനിരക്ക് അമേരിക്കയില് നിയന്ത്രണാതീതമായിത്തന്നെ തുടരുകയാണ്. ഏറ്റവും പുതിയ കണക്കനുസരിച്ച് 18,775 - പേര് ഇതിനകം മരണപ്പെട്ടു. ഇന്നലെ ഇതേ സമയത്ത് മരണനിരക്ക് 1900 ആയിരുന്നു. 503,177 പേര്ക്ക് രോഗം സ്ഥിരീകരിച്ചിട്ടുണ്ട്. രോഗികളുടെ എണ്ണവും മരണനിരക്കും ക്രമാതീതമായി കൂടിക്കൊണ്ടിരിക്കുകയാണ്.
രാജ്യത്ത് ഏറ്റവും കൂടുതല് മരണം റിപ്പോര്ട്ട് ചെയ്യപ്പെട്ട ന്യൂയോര്ക്കില് മരണസംഖ്യ 7,844 ആയി. ഇവിടെ മാത്രം 1,72,358 - പേര്ക്ക് രോഗബാധ സ്ഥിരീകരിച്ചു. 1,932- പേര് മരണമടഞ്ഞ ന്യൂ ജെഴ്സിയാണ് മരണ - രോഗ നിരക്കില് തൊട്ടുപിറകില് നില്ക്കുന്നത്. ഇവിടെ ഇതുവരെ 54,588 പേര്ക്ക് രോഗം സ്ഥിരീകരിച്ചിട്ടുണ്ട്. 612 പേര് മരണമടഞ്ഞ കാലിഫോര്ണിയയില് 21,675 - പേര്ക്ക് രോഗം സ്ഥിരീകരിച്ചിട്ടുണ്ട്. 1,288 - പേര് മരണമടഞ്ഞ മിഷിഗണില് 22,783പേര് മരണപ്പെട്ടു. ഫ്ലോറിഡ - 419, മസ്സാച്ചുസെറ്റ്സ് -599, ലൂസിയാന - 755, ഇല്ലിനോയിസ് -596, ജോര്ജ്ജിയ -425 എന്നിങ്ങനെയാണ് ഏറ്റവും പുതിയ മരണ നിരക്ക്.
തലസ്ഥാനമായ വാഷിംഗ്ടണില് ഏറ്റവും ഒടുവിലെ കണക്കനുസരിച്ച് 483 പേര് മരണമടഞ്ഞിട്ടുണ്ട്. 10,195 പേര്ക്കാണിവിടെ രോഗം സ്ഥിരീകരിച്ചിരിക്കുന്നത്. അമേരിക്കയില് ഇന്നലെയും ഇന്നുമായി മരണനിരക്കില് വന് വര്ദ്ധനവാണ് രേഖപ്പെടുത്തിയത്. രാജ്യത്ത് സ്ഥിതിഗതികള് ഇപ്പോള് നില അതീവ ഗുരുതരമായി തുടരുകയാണ്.