മുഖ്യമന്ത്രിയുടെ ദുരിതാശ്വാസ നിധിയെക്കൂടി സിഎസ്ആര് ഫണ്ടിന് അര്ഹതയുള്ള പട്ടികയിലേക്ക് മാറ്റണമെന്ന് മുഖ്യമന്ത്രി പ്രധാനമന്ത്രിയോട് കത്തെഴുതി ആവശ്യപ്പെട്ടു. കേന്ദ്ര കമ്പനി കാര്യമന്ത്രാലയം ഇറക്കിയ സര്ക്കുലര് അനുസരിച്ച് മുഖ്യമന്ത്രിയുടെ ദുരിതാശ്വാസ നിധിയോ കോവിഡ് 19 നേരിടാനുള്ള സംസ്ഥാന റിലീഫ് ഫണ്ടുകളോ കമ്പനീസ് ആക്ടിലെ സിഎസ്ആര് ഫണ്ടിന് അര്ഹമല്ല. എന്നാല്, പിന്നീട് ഇറക്കിയ വിശദീകരണ കുറിപ്പില് പിഎം കെയേഴ്സ് ഫണ്ടിനെ സിഎസ്ആര് ഫണ്ടിന് അര്ഹതയുള്ളവയുടെ പട്ടികയില്പ്പെടുത്തിയിട്ടുണ്ടെന്ന് മുഖ്യമന്ത്രി ചൂണ്ടിക്കാട്ടി
കമ്പനി നിയമത്തിലെ ഏഴാം ഷെഡ്യൂള് പ്രകാരം പ്രധാനമന്ത്രിയുടെ ദുരിതനിവാരണ ഫണ്ടും അവശ വിഭാഗങ്ങളുടെ ഉന്നമനത്തിന് കേന്ദ്രം രൂപീകരിക്കുന്ന ഫണ്ടുകളും സിഎസ്ആര് യോഗ്യതയുള്ളതാണ്. ഇതില് പ്രകടമായ അപാകതയുണ്ട്. ഫെഡറല് സംവിധാനത്തില് പൊതു ആവശ്യത്തിന് സംസ്ഥാനങ്ങള് രൂപീകരിക്കുന്ന ദുരിതാശ്വാസ ഫണ്ടിനെ സിഎസ്ആറിന്റെ പരിധിയില്നിന്ന് ഒഴിവാകുന്നത് ഫെഡറല് തത്വങ്ങള്ക്ക് നിരക്കാത്തതാണ്. സംസ്ഥാനങ്ങളുടെ സാമ്പത്തിക ഞെരുക്കം വര്ധിപ്പിക്കുന്ന ഈ നടപടി തിരുത്തണമെന്ന് മുഖ്യമന്ത്രി പ്രധാനമന്ത്രിയോട് കത്തിലൂടെ അഭ്യര്ത്ഥിച്ചു.
