എഡിന്ബര്ഗ്: സ്ത്രീകള്ക്ക് ആര്ത്തവ സമയത്ത് ഉപയോഗിക്കാനുളള ഉല്പ്പന്നങ്ങള് സൗജന്യമായി നല്കുന്ന ആദ്യത്തെ രാജ്യമായി സ്കോട്ലാന്ഡ്. ആര്ത്തവ ഉല്പ്പന്നങ്ങള് സൗജന്യമായി ലഭിക്കുന്നതിനുളള അവകാശം (Right to Access Free Period Producst) തിങ്കളാഴ്ച്ചയാണ് പ്രാബല്യത്തില്വന്നത്. അതത് പ്രദേശങ്ങളിലെ വിദ്യഭ്യാസ സ്ഥാപനങ്ങളിലെ അധികൃതരും പ്രാദേശിക സര്ക്കാര് സ്ഥാപനങ്ങളിലെ ഉദ്യോഗസ്ഥരുമാണ് ആര്ത്തവ ഉല്പ്പന്നങ്ങള് ആവശ്യമുളളവര്ക്ക് അത് സൗജന്യമായി ലഭിക്കുന്നുണ്ടെന്ന് ഉറപ്പുവരുത്തേണ്ടത്. ഉല്പ്പന്നങ്ങള് ആവശ്യമുളളവര്ക്ക് Pickupmyperiod എന്ന മൊബൈല് ആപ്പുപയോഗിച്ച് അടുത്തുളള കളക്ഷന് പോയിന്റ് കണ്ടെത്താനാവും.
ആര്ത്തവ ഉല്പ്പന്നങ്ങള് സൗജന്യമാക്കുന്നതില് വളരെയധികം അഭിമാനമുണ്ടെന്ന് നിയമനിര്മ്മാണത്തിനായി പ്രചാരണം നടത്തിയ സ്കോട്ടിഷ് പാര്ലമെന്റ് അംഗം മോണിക്ക ലെനന് പറഞ്ഞു. 'ഈ നിയമം നിലവില് വരാനായി പ്രാദേശിക നേതാക്കളും സംഘടനകളും രാജ്യത്തെ ഒട്ടനവധി ജനങ്ങളും കഠിനമായി പരിശ്രമിച്ചിരുന്നു. അവര്ക്കെല്ലാം നന്ദി പറയുകയാണ്. ജനങ്ങള് ജീവിതച്ചെലവ് ഏറിയതുമൂലം കഷ്ടപ്പെടുകയാണ്. ഈ സാഹചര്യത്തില് രാഷ്ട്രീയനേതാക്കള് ഒരുമിച്ചുനിന്നാല് എന്തെല്ലാം നേടാനാവും എന്നത് വ്യക്തമാക്കുന്നതാണ് പീരീഡ് പ്രൊഡക്ട് ആക്ട്'- മോണിക്ക പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ആര്ത്തവസമയത്ത് ഉപയോഗിക്കുന്ന ഉല്പ്പന്നങ്ങള് ആഢംബരത്തിനല്ലെന്നും മറിച്ച് എല്ലാവര്ക്കും സൗജന്യമായി ലഭ്യമാകേണ്ടതാണെന്നും വ്യക്തമാക്കുന്നതാണ് സ്കോട്ലാന്ഡിലെ ഫ്രീ പീരീഡ് പ്രൊഡക്ട് ആക്ട്. 2020 നവംബറിലായിരുന്നു സ്കോര്ട്ടിഷ് പാര്ലമെന്റ് പീരിയഡ്സ് പ്രൊഡക്ട് പ്രൊവിഷന് ആക്ട് പാസാക്കിയത്. 2018 മുതല്തന്നെ സ്കോട്ലാന്ഡില് കോളേജുകളിലും സര്വ്വകലാശാലകളിലും സൗജന്യമായി സാനിറ്ററി ഉല്പ്പന്നങ്ങള് നല്കാന് തുടങ്ങിയിരുന്നു.
