45,343പേര്‍ ഗുരുതരാവസ്ഥയില്‍
വാഷിംഗ്‌ടണ്‍: അമേരിക്കയില്‍ ഇതിനകം കോവിഡ് -19 മൂലം 45,368 പേര്‍ മരണപ്പെട്ടു. 8,19,175 പേര്‍ക്കാണ് ഇത് വരെ രോഗം സ്ഥിരീകരിച്ചിരിക്കുന്നത്. ഏറ്റവും പുതിയ കണക്കനുസരിച്ച് 45,343 പേര്‍ ഗുരുതരാവസ്ഥയിലാണ്. 82,973 പേര്‍ ഇതിനകം രോഗവിമുക്തരായി.
ന്യൂയോര്‍ക്കില്‍ ഇതുവരെ19,693 പേര്‍ മരണപ്പെട്ടു
രാജ്യത്ത് ഏറ്റവും കൂടുതല്‍ മരണം റിപ്പോര്‍ട്ട് ചെയ്യപ്പെട്ട ന്യൂയോര്‍ക്കില്‍ മരണസംഖ്യ 19,693 ആയി. 2,56,555 പേര്‍ക്കാണ് ഇതുവരെ രോഗം സ്ഥിരീകരിച്ചിരിക്കുന്നത്. 4,753 പേര്‍ മരണമടഞ്ഞ ന്യൂ ജെഴ്സിയാണ് മരണ - രോഗ നിരക്കില്‍ തൊട്ടുപിറകില്‍ നില്‍ക്കുന്നത്. ഇവിടെ ഇതുവരെ 92,387 പേര്‍ക്ക് രോഗം സ്ഥിരീകരിച്ചിട്ടുണ്ട്. 1,322 പേര്‍ മരണമടഞ്ഞ കാലിഫോര്‍ണിയയില്‍ 35,802- പേര്‍ക്ക് രോഗം സ്ഥിരീകരിച്ചിട്ടുണ്ട്. 32,967- പേര്‍ക്ക് രോഗം സ്ഥിരീകരിച്ച മിഷിഗണില്‍ 2,700 പേര്‍ മരണപ്പെട്ടു. ഫ്ലോറിഡ -867 മസ്സാച്ചുസെറ്റ്സ് -1,961, ലൂസിയാന -1,405, ഇല്ലിനോയിസ് -1,461, ജോര്‍ജ്ജിയ -818 എന്നിങ്ങനെയാണ് ഏറ്റവും പുതിയ മരണ നിരക്ക്.
തലസ്ഥാനമായ വാഷിങ്ങ്ടണില്‍ മരണ-രോഗീ നിരക്ക് രാജ്യത്തെ മറ്റു നഗരങ്ങളുമായി താരതമ്യം ഇല്ലാത്ത വിധം കുറവാണ്. ഇതുവരെ 12,282 പേര്‍ക്ക് രോഗം സ്ഥിരീകരിച്ച ഇവിടെ ഇതിനകം 682 പേരാണ് മരണപ്പെട്ടത്.
