റോം: ഇറ്റലിയില്‍ കഴിഞ്ഞ 24 മണിക്കൂറിനുള്ളില്‍ 415 പേര്‍ മരണപ്പെട്ടു. ഇതോടെ കോവിഡ്-19 ബാധിച്ച് ഇറ്റലിയിലാകെ മരണപ്പെട്ടവരുടെ എണ്ണം 26,384 ആയി. 1,95,351 പേര്‍ക്കാണ് ഇറ്റലിയില്‍ രോഗ ബാധയുണ്ടായത്‌. ഇന്നലെ (ശനി) മാത്രം മരണപ്പെട്ടത് 420 പേരാണ്. കോവിഡ് -19 താണ്ഡവമാടിയ ഇറ്റലിയില്‍ രോഗ ശമനത്തിന്റെ ലക്ഷണങ്ങളാണ് ഇപ്പോള്‍ കണ്ടുകൊണ്ടിരിക്കുന്നത്
ഇറ്റലിയില്‍ കഴിഞ്ഞ ഒരാഴ്ചത്തെ സ്ഥിതിവിവരക്കണക്കുകള്‍ ഏറെ പ്രതീക്ഷ നല്‍കുന്നതാണ്. മരണസംഖ്യയില്‍ നേരിയ കയറ്റിറക്കങ്ങള്‍ പ്രകടമെങ്കിലും ആരോഗ്യപ്രവര്‍ത്തകരിലും സര്‍ക്കാരിലും സര്‍വ്വോപരി ജനങ്ങളിലും ശുഭ പ്രതീക്ഷയുണ്ടാക്കാന്‍ ഇറ്റലിയിലെ മരണനിരക്കിലെ കുറവിന് സാധിച്ചിട്ടുണ്ട്.
