തിരുവനന്തപുരം: സംസ്ഥാനത്തെ മത്സ്യബന്ധന ബോട്ടുകള്ക്കും വള്ളങ്ങള്ക്കും കടലില് പോകുന്നതിനുള്ള ലോക്ക് ഡൌണ് നിയന്ത്രണങ്ങളില് സര്ക്കാര് ഇളവുകള് പ്രഖ്യാപിച്ചു കൊണ്ട് ഉത്തരവായി. ഇതനുസരിച്ച് ഒരു ദിവസം മുന്പ് അനുമതി വാങ്ങിയവര്ക്ക് മാത്രമേ കടലില് പോകാന് അനുമതിയുള്ളൂ. ഒറ്റ നമ്പരില് അവസാനിക്കുന്ന ബോട്ടുകളും ഇരട്ട നമ്പരില് അവസാനിക്കുന്ന (രജിസ്ട്രഷന് നമ്പര് ) ഒരേ ദിവസം കടലില് പോകാന് പാടില്ല. ഒറ്റ നമ്പറുകാര് തിങ്കള് മുതല് വെള്ളിവരെ ഒന്നിടവിട്ട ദിവസങ്ങളിലും ഇരട്ട നമ്പറുകാര് ചൊവ്വ മുതല് ശനി വരെ ഒന്നിടവിട്ട ദിവസങ്ങളിലുമാണ് മത്സ്യബന്ധനത്തിനു പോകേണ്ടത്.
വള്ളങ്ങള്ക്ക് നേരത്തെ തന്നെ നിയന്ത്രണ വിധേയമായി അനുമതി ലഭിച്ചിരുന്നു. ഒന്നിടവിട്ട ദിവസങ്ങളില് റിംഗ് സീനര് വള്ളങ്ങള്ക്ക് കടലില് പോകാം. ഒറ്റ ദിവസത്തെ പോക്കിനാണ് അനുമതി. ബോട്ടുകളില് പോകുന്ന മത്സ്യ തൊഴിലാളികളുടെ എണ്ണം നിജപ്പെടുത്തിയിട്ടുണ്ട്. ബോട്ടുകള്ക്ക് പത്തു തൊഴിലാളികളെ വരെ കൊണ്ടുപോകാനാണ് അനുമതി.
