കഴിഞ്ഞ 24 മണിക്കൂറിനുള്ളില് മരിച്ചത് 5,192 പേര്
കൊവിഡ് -19 മൂലം കഴിഞ്ഞ 48 മണിക്കൂറിനുള്ളില് ലോകത്താകെ മരണപ്പെട്ടത് 5,192 പേരാണ്. ഇത് തൊട്ടു മുന്പത്തെ നാലുദിവസങ്ങളുമായി താരതമ്യം ചെയ്യുമ്പോള് ഏറെക്കുറെ സ്ഥിരത നിലനിര്ത്തുന്നതായിക്കാണാം. ബുധനാഴ്ചവരേയുള്ള 48 മണിക്കൂറിലെ മരണനിരക്ക് 10,267 ഉം വ്യാഴം മുതല് ശനിയാഴ്ച വരെയുള്ള 48 മണിക്കൂറിലെ മരണനിരക്ക് 11,000-ത്തി ശിഷ്ടവുമായിരുന്നു.
ഇത് കഴിഞ്ഞ കുറച്ചു ദിവസങ്ങളെ അപേക്ഷിച്ച് കൂടിയ നിലയാണ്. എന്നാല് മരണനിരക്കില് ക്രമാനുഗതമായ ഉയര്ച്ചയാണ് മരണനിരക്കില് രേഖപ്പെടുത്തിക്കൊണ്ടിരുന്നത്. നിലവില് ലോകത്ത് ആകെ മരണപ്പെട്ടവരുടെ സംഖ്യ 2,44,778 ആയി. 50,858 പേര് അതീവഗുരുതരാവസ്ഥയില് ചികിത്സയിലാണ്.
രോഗികളുടെ വര്ദ്ധനവ് 24 മണിക്കൂറിനകം 83,569
കഴിഞ്ഞ 24 മണിക്കൂറിനകം ലോകത്താകെ 83,569 പേരിലാണ് പുതുതായി രോഗം സ്ഥിരീകരിച്ചത്. ഇത് തൊട്ടു മുന്പത്തെ രണ്ടു ദിവസവുമായി താരതമ്യപ്പെടുത്തുമ്പോള് കുറവാണ്.
ശനിയാഴ്ച വരെയുള്ള 48 മണിക്കൂറിനകം ലോകത്താകെ ഒന്നേമുക്കാല് ലക്ഷത്തി എണ്പതിനായിരത്തോളം (1,79,777) പേരിലാണ് പുതുതായി രോഗം സ്ഥിരീകരിച്ചത്. ഇത് തൊട്ടുമുന്പുള്ള 48 മണിക്കൂറിലെ രോഗീവര്ദ്ധനവുമായി താരതമ്യപ്പെടുത്തുമ്പോള് 30,000 ത്തോളം കൂടുതലായിരുന്നു.
അതായത് രോഗീ വര്ദ്ധനാ നിരക്ക് അത്ര താഴ്ന്ന നിലയിലല്ലാതെ ചെറിയ ഉയര്ച്ച താഴ്ച്ചകളോടെ സ്ഥിരത നിലനിര്ത്തുന്നു എന്നു തന്നെയാണ് കാണാന് കഴിയുക. ഏറ്റവും ഒടുവിലത്തെ കണക്കനുസരിച്ച് ലോകത്ത് രോഗികളുടെ എണ്ണം 3,484,176 ആയി.