മഹാരാഷ്ട്രയില്‍ ഇന്ന് 1,233 പേര്‍ക്ക് കൂടി കൊവിഡ് സ്ഥിരീകരിച്ചു. ഒരു സംസ്ഥാനത്തെ ഏറ്റവും കൂടിയ രോഗികളുടെ വർദ്ധനവാണിത്. ഇതോടെ സംസ്ഥാനത്ത് കൊവിഡ് ബാധിച്ചവരുടെ ആകെ എണ്ണം 16758 ആയി. ഇന്ന് മാത്രം വൈറസ് ബാധയെ തുടര്‍ന്ന് 34 പേര്‍ മരിച്ചു. ആകെ മരണ സംഖ്യ 651 ആയി. ഇതോടെ സംസ്ഥാനത്ത് ആകെ മരിച്ചവരുടെ എണ്ണം 651 ആയി. മുംബൈയില്‍ മാത്രം രോഗികളുടെ എണ്ണം 10714 ആണ്. ഇന്ന് മാത്രം മുംബൈയിൽ 769 പേർക്ക് രോഗം സ്ഥിരീകരിച്ചു. പൂനെയിൽ 25 ഉം താനെയിൽ 212 ഉം നാസിക്കിൽ 54 ഉം പേരാണ് ഇന്ന് രോഗബാധിതരമായത്. ആറ് ജില്ലകൾ കൊവിഡ് മുക്തമായി.
ഗുജറത്തില്‍ ഇന്ന് മാത്രം വൈറസ് ബാധ സ്ഥിരീകരിച്ചത് 380 പേര്‍ക്കാണ്. ഇന്ന് 28 കോവിഡ് ബാധിതര്‍ മരിച്ചു. ഇതോടെ സംസ്ഥാനത്ത് മരിച്ചവരുടെ എണ്ണം 396 ആയി. രോഗികള്‍ 6,625 ആയി. തമിഴ്നാട്ടിൽ ഇന്ന് 771 പേർക്കാണ് ഇന്ന് രോഗം സ്ഥിരീകരിച്ചത്. രണ്ട് പേരാണ് ഇന്ന് മരിച്ചത്. ചെന്നൈയിൽ സ്ഥിതിഗതികൾ ഗുരുതരമായി തുടരുകയാണ്. 324 പേരാണ് ഇന്ന് രോഗബാധിതരായത്. കടലൂർ 95, അരിയലൂർ 188, കാഞ്ചീപുരം 45, തിരുവള്ളൂർ 34, പേർക്കും രോഗം സ്ഥിരീകരിച്ചു.
രാജ്യത്ത് ആകെ രോഗം ബാധിച്ചവരുടെ എണ്ണം 52557 ആയി. 1784 പേരാണ് ആകെ മരിച്ചത്
