മുൻ പ്രധാനമന്ത്രിയും മുതിർന്ന കോൺഗ്രസ് നേതാവുമായ മൻമോഹൻ സിങ്ങിന്റെ ആരോഗ്യ നില തൃപ്തികരമാണെന്ന് അദ്ദേഹത്തോട് അടുത്ത വൃത്തങ്ങള്. നെഞ്ചുവേദനയെ തുടര്ന്ന് ഇന്നലെ അദ്ദേഹത്തെ ഡൽഹി എയിംസ് ആശുപത്രിയിൽ പ്രവേശിപ്പിച്ചിരുന്നു. കാര്ഡിയോ തൊറാസിക് വാര്ഡില് അദ്ദേഹം ഡോക്ടര്മാരുടെ നിരീക്ഷണത്തില് കഴിയുകയാണെന്നാണ് ദേശീയ മാധ്യമങ്ങള് റിപ്പോര്ട്ടു ചെയ്യുന്നത്.
2009-ല് അദ്ദേഹം ബൈപ്പാസ് സര്ജറിക്ക് വിധേയനായിരുന്നു. ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസസിലെ കാർഡിയോളജി പ്രൊഫസറായ ഡോ. നിതീഷ് നായിക്കിന്റെ നേതൃത്വത്തിലുള്ള വിദഗ്ധ സംഘമാണ് മൻമോഹൻ സിങ്ങിനെ പരിചരിക്കുന്നത്.
