ഡല്‍ഹി: കാര്‍ഷിക മേഖലക്ക് ഒരുലക്ഷം കോടി രൂപയുടെ 11 ഇന പദ്ധതിക്കാണ് കേന്ദ്ര സര്‍ക്കാര്‍ രൂപം നല്‍കിയത് എന്ന് കേന്ദ്ര ധനകാര്യമന്ത്രി നിര്‍മ്മല സീതാരാമന്‍ പറഞ്ഞു. കേന്ദ്ര സര്‍ക്കാര്‍ പരഖ്യാപിച്ച സാമ്പത്തിക പാക്കേജിന്‍റെ മൂഘട്ട വിശദീകരണം നടത്തുകയായിരുന്നു ധനകാര്യമന്ത്രി.
അടിസ്ഥാന മേഖലക്ക് ഊന്നല്‍ നല്‍കിയായിരിക്കും പദ്ധതികള്‍ നടപ്പാക്കുക. തേനീച്ച വളര്‍ത്തല്‍,പശ കന്നുകാളിലകളുടെ കുളമ്പ് രോഗ നിയന്ത്രണ പദ്ധതി, മത്സ്യ, ഒഷധസസ്യ കൃഷി, ക്ഷീര മേഖലയുടെ വികസനം, ചെമ്മീന്‍ പാട വികസനം, മൃഗ സംരക്ഷണ പദ്ധതി, കയറ്റുമതി തുടങ്ങി വിവിധ മേഖലകളില്‍ ഊന്നിയാണ് പണം ചിലവഴിക്കുക എന്ന് ധനകാര്യ മന്ത്രി പറഞ്ഞു. ഒരു ലക്ഷം കോടിയുടെ പദ്ധതി സ്വകാര്യ മേഖലയിലെ പുതു സംരംഭകര്‍ക്ക് വലിയപ്രോത്സാഹനമാകുമെന്നും കേന്ദ്ര ധനകാര്യമന്ത്രി നിര്‍മ്മല സീതാരാമന്‍ പറഞ്ഞു.
