ജീവിതം വീണ്ടെടുത്തിട്ടു പോരെ സിനിമയെന്ന് സംവിധായകൻ ലിജോ ജോസ് പെല്ലിശ്ശേരി. ലോക്ഡൗണിന്റെ പശ്ചാത്തലത്തിൽ സിനിമകൾ ഓൺലൈൻ പ്ലാറ്റ്ഫോമിലൂടെ റിലീസ് ചെയ്യുന്നതുമായി ബന്ധപ്പെട്ട ചർച്ചകള് ഉയരുന്നതിനിടെയാണ് വിഷയത്തില് അഭിപ്രായപ്പെട്ടുകൊണ്ട് ലിജോ രംഗത്തെത്തിയിരിക്കുന്നത്.
നേരത്തെ, ജയസൂര്യ ചിത്രം സൂഫിയും സുജാതയും ആമസോണ് പ്രൈമില് റിലീസ് ചെയ്യുകയാണെന്ന് നിര്മാതാവ് വിജയ് ബാബു അറിയിച്ചിരുന്നു. അങ്ങനെയെങ്കില് ജയസൂര്യയുടെയോ വിജയ് ബാബുവിന്റെയോ ചിത്രങ്ങള് ഇനിമുതല് തീയേറ്റര് കാണുകയില്ലെന്ന ഭീഷണിയുമായി എക്സിബിറ്റേഴ്സ് ഫെഡറേഷന് ഭീഷണിയുമായി രംഗത്തുവരികയും ചെയ്തതാണ്.
ലിജോ ജോസ് പെല്ലിശ്ശേരിയുടെ ഫെയ്സ്ബുക്ക് കുറിപ്പ്:
തങ്ങളുടെ സിനിമകൾ എവിടെ പ്രദര്ശിപ്പിക്കണമെന്നു നിർമാതാക്കളും ഏതു സിനിമ പ്രദര്ശിപ്പിക്കണമെന്നു തീയേറ്റേഴ്സും തീരുമാനിക്കട്ടെ. ഇനി അതെങ്ങനെ എവിടെ എപ്പോൾ കാണണമെന്ന് തീരുമാനിക്കാനുള്ള അവകാശം കാഴ്ചക്കാരനുമുണ്ട്.
നിലവിൽ എട്ടും പത്തും മാസം റിലീസിന് കാത്തിരിക്കുക എല്ലാവര്ക്കും ഒരു പോലെ പ്രായോഗികമല്ല എന്നുള്ളത് പരമമായ സത്യം മാത്രം.
ജീവിതം വീണ്ടെടുത്തിട്ടു പോരെ സിനിമ എന്നൊരഭിപ്രായം കൂടിയുണ്ട്.