കൊവിഡ് പശ്ചാത്തലത്തിൽ സിബിഎസ്ഇ പരീക്ഷക്കുള്ള മാർഗനിർദ്ദേശങ്ങൾ പുറത്തിറങ്ങി. കേന്ദ്ര മാനവശേഷി വികസന വകുപ്പാണ് മാർഗ നിർദേശങ്ങൾ പുറപ്പെടുവിച്ചത്. 10, പ്ലസ് ടു എന്നിവയുടെ അവശേഷിച്ച പരീക്ഷൾ ജൂലൈ ഒന്നു മുതൽ 15 വരെയാണ് നടക്കുക.
പുതിയ സാഹചര്യത്തിൽ പരീക്ഷകൾ അതേ സ്കൂളിൽ വച്ച് തന്നെ നടത്തും. പുറത്തുള്ള കേന്ദ്രങ്ങളിൽ പരീക്ഷ നടത്താൻ പാടില്ല. പരീക്ഷാകേന്ദ്രങ്ങളിൽ സാമൂഹ്യ അകലം പാലിക്കണം. സാനിറ്റൈസർ വിദ്യാർഥികൾ കൊണ്ടുവരണം. വിദ്യാർത്ഥികളും അധ്യാപകരും ജീവനക്കാരും മാസ്ക്കുകൾ ധരിക്കണം. പരീക്ഷാ മൂല്യനിർണയം അധ്യാപകർ വീടുകളിൽ നടത്തണം. മൂല്യ നിർണയം നടത്തുന്ന അധ്യാപകരെ മറ്റു ചുമതലകളിൽ നിന്ന് ഒഴിവാക്കണം. പരീക്ഷാഫലം ജൂലൈ അവസാനവാരത്തിൽ തന്നെ പ്രഖ്യാപിക്കുമെന്നും കേന്ദ്ര മാനവശേഷി വികസന വകുപ്പ് അറിയിച്ചു
