കൊവിഡ് ബാധിച്ച് മുംബൈയില്‍ ഒരു മലയാളി കൂടി മരിച്ചു. തിരുവല്ല മല്ലപ്പള്ളി സ്വദേശി മത്തായി വര്‍ഗീസ് ആണ് മരിച്ചത്. 56 വയസായിരുന്നു. കാന്തിവലിയിലെ താമസസ്ഥലത്തുവെച്ചാണ് ഇയാൾ മരിച്ചത്. മരിച്ചതിന് ശേഷം നടത്തിയ പരിശോധനയിലാണ് രോഗം സ്ഥിരീകരിച്ചത്. 9 മണിക്കൂറിന് ശേഷമാണ് പരിശോധനാ ഫലം വന്നത്. യാതൊരു സുരക്ഷാ മാനദണ്ഡങ്ങളും പാലിക്കാതെ വീട്ടിലാണ് മൃതദേഹം സൂക്ഷിച്ചത്. തുടർന്ന് മുബൈ കോർപ്പറേഷൻ ജീവനക്കാരെത്തിയാണ് മൃതദേഹം സംസ്കരിച്ചത്.
മഹാരാഷ്ട്രയില്‍ ഇന്ന് 2436 പേർക്ക് കൊവിഡ് സ്ഥിരീകരിച്ചു. ഇതോടെ സംസ്ഥാനത്ത് രോഗികളുടെ എണ്ണം 52667 ആയി. ഇന്ന് മത്രം 60 പേര്‍ മരിച്ചു. രോഗം മൂലം മരിച്ചവരുടെ എണ്ണം 1695 ആയി. ഇതുവരെ 15786 പേര്‍ രോഗമുക്തി നേടി. ഇന്ന് 1186 പേരുടെ പരിശോധനാ ഫലം നെഗറ്റീവായി. സംസ്ഥാനത്ത് 35186 പേരാണ് ചികിത്സയിലുള്ളത്. മുംബൈയില്‍ മാത്രം ഇതുവരെ 30542 പേര്‍ക്കാണ്കൊവിഡ് സ്ഥിരീകരിച്ചിട്ടുള്ളത്. 7083 പേരാണ് ഇതിനോടകം രോഗമുക്തി നേടി. മുംബൈയില്‍ മാത്രം മരിച്ചവരുടെ എണ്ണം 1026 ആയി
