ഡല്ഹി: കഴിഞ്ഞ 24 മണിക്കൂറിനുള്ളില് രാജ്യത്ത് 4831പേര്ക്കാണ് ഇന്ന് രോഗം സ്ഥിരീകരിച്ചത്. കഴിഞ്ഞ അഞ്ചു ദിവസങ്ങളിലെ രോഗീ നിരക്കുമായി താരതമ്യം ചെയ്യുമ്പോള് ഏറ്റവും കുറഞ്ഞ നിരക്കാണിത്. എന്നാല് ഇന്നലെ (ചൊവ്വ) രോഗികളുടെ എണ്ണത്തില് റിക്കോര്ഡ് വര്ദ്ധനവാണുണ്ടായത്. 14,092 പേര്ക്കാണ് ഇന്നലെ മാത്രം രോഗം സ്ഥിരീകരിച്ചത്.
തൊട്ടുമുന്പുള്ള നാലുദിവസങ്ങളിലും ഉയര്ന്ന തോതിലാണ് രോഗീ സ്ഥിരീകരണം നടന്നത്. വെള്ളി - 6088, ശനി - 6654, ഞായര് - 6767, തിങ്കള് - 6997 എന്നിങ്ങനെയാണ് കഴിഞ്ഞ നാല് ദിവസങ്ങളിലെ രോഗീവര്ദ്ധനാ നിരക്ക്. ഇന്നത്തെ നിരക്ക് രാജ്യത്തെ ആരോഗ്യ പ്രവര്ത്തകരിലും ജനങ്ങളിലും അല്പം ആശ്വാസം പകര്ന്നിട്ടുണ്ട്. ഏറ്റവും പുതിയ കണക്കനുസരിച്ച് രാജ്യത്ത് കൊവിഡ് -19 ബാധിച്ചവരുടെ എണ്ണം 1,50,793 ആയി.
മഹാരാഷ്ട്ര, തമിഴ്നാട് , ഗുജറാത്ത്, ഡല്ഹി , രാജസ്ഥാന് എന്നീ സംസ്ഥാനങ്ങളാണ് രോഗീ സംഖ്യയില് മുന്നില് നില്ക്കുന്നത്. മഹാരാഷ്ട്രയില് ഇതുവരെ 54,759 പേര്ക്കും തമിഴ്നാട്ടില് 17,728 പേര്ക്കും ഗുജറാത്തില് 14,829 പേര്ക്കും ഡല്ഹിയില് 14,455 പേര്ക്കും രാജസ്ഥാന് 7,249 പേര്ക്കുമാണ് ഇതുവരെ രോഗം സ്ഥിരീകരിച്ചിരിക്കുന്നത്.
ഏറ്റവും പുതിയ കണക്കനുസരിച്ച് രാജ്യത്താകെ മരണപ്പെട്ടവരുടെ എണ്ണം 4,344 ആയി. കഴിഞ്ഞ 24 മണിക്കൂറിനുള്ളില് മാത്രം 172 പേരാണ് മരണപ്പെട്ടത്. ഇന്നലെ (ചൊവ്വ) അത് 305 ആയിരുന്നു. ഇന്ന് മാരന്-രോഗീ നിരക്കില് അല്പം ആശ്വാസം ഉണ്ടെങ്കിലും ഇത് താഴോട്ടു കൊണ്ടുവര്രന് സാധിക്കുമോ എന്നാ കാര്യത്തില് ആശങ്ക നിലനില്ക്കുകയാണ്. അടുത്ത രണ്ടുമാസങ്ങളില് കടുത്ത ജാഗ്രത വേണമെന്ന് കേന്ദ്ര ആരോഗ്യ മന്ത്രാലയം നിര്ദ്ദേശിച്ചു. കാര്യങ്ങള് ഈ രീതിയില് മുന്നോട്ടുപോയാല് സ്ഥിതിഗതികള് നിയന്ത്രണാതീതമാകുമെന്ന ആശങ്കയിലാണ് ആരോഗ്യ മന്ത്രാലയം.