ബ്രസിലിയ: ബ്രസീലില് കൊവിഡ്-19 മൂലം കഴിഞ്ഞ 24 മണിക്കൂറിനുള്ളില് 1,180 പേരാണ് മരണപ്പെട്ടത്. ഇന്നലെ 1067 , വ്യാഴം 1104 എന്നിങ്ങനെയായിരുന്നു കഴിഞ്ഞ ദിവസങ്ങളിലെ മരണനിരക്ക്. അതായത് കഴിഞ്ഞ ദിവസങ്ങളില് ആയിരത്തിനു തോട്ടുമുകളിലായി മരണനിരക്ക് സ്ഥിരത നിലനിര്ത്തുകയാണ്.
അമേരിക്ക കഴിഞ്ഞാല് കൊവിഡ് -19 മൂലം ലോകത്തുതന്നെ ഏറ്റവും ദുരിതം അനുഭവിക്കുന്ന രാജ്യമാണ് ബ്രസീല്. ബ്രസീലില് ഇതുവരെ 27,944 പേരാണ് മരണപ്പെട്ടത്. 1,93,181 പേര് രോഗ വിമുക്തി നേടി. ഇപ്പോള് 2,47,213 പേര് ചികിത്സയിലാണ്.
കഴിഞ്ഞ 24 മണിക്കൂറിനുള്ളില് 29,526 പേര്ക്കാണ് പുതുതായി രോഗം സ്ഥിരീകരിച്ചിരിക്കുന്നത്. അതിദ്രുത ഗതിയിലുള്ള രോഗീ വര്ദ്ധന മൂലം ലോകത്തില് ഏറ്റവും കൂടുതല് രോഗികളുള്ള രണ്ടാമത്തെ രാജ്യമായി സ്ഥിരത നിലനിര്ത്തുകയാണ് ബ്രസീല്. അതേസമയം ദിനംദിന രോഗീ വര്ദ്ധനവില് അമേരിക്കയെ മറികടന്നിരിക്കയാണ് ബ്രസീല്.
ഏറ്റവും പുതിയ കണക്കനുസരിച്ച് 4,68,338 പേര്ക്കാണ് രാജ്യത്താകെ ഇതുവരെ രോഗം സ്ഥിരീകരിച്ചത്. ഏറെ വൈകി മാത്രം രോഗ വ്യാപനം ശക്തമായ ബ്രസീലില് കൊവിഡ് താണ്ഡവമാടിയ യൂറോപ്യന് രാജ്യങ്ങളെയാകെ മറികടന്നാണ് പട്ടികയില് രണ്ടാമതായി നില്ക്കുന്നത്.