ഡൽഹിയിൽ എംയിസിൽ ആരോഗ്യ പ്രവർത്തകരുടെ സമരം മൂന്നാം ദിവസത്തിലേക്ക് കടന്നു. സമരക്കാർ എയിംസ് ഡയറക്ടറുടെ മുറിക്ക് മുന്നിൽ കുത്തിയിരുന്നു പ്രതിഷേധിച്ചു. കൊവീഡ് ഡ്യൂട്ടിയിലുള്ള ആരോഗ്യ പ്രവർത്തകരുടെ സുരക്ഷ ഉറപ്പാക്കണമെന്നാവശ്യപ്പെട്ടാണ് സമരം. കൊവിഡ് വാർഡിലുള്ളവരുടെ പ്രവൃത്തി സമയം 4 മണിക്കൂറാക്കി ചുരുക്കണമെന്നും സമരക്കാർ ആവശ്യപ്പെട്ടു. മതിയായ സുരക്ഷാ ക്രമീകരണങ്ങൾ ഇല്ലാതെ ജോലിചെയ്യേണ്ടി വരുന്നതിലും, കൂടുതൽ ആരോഗ്യ പ്രവർത്തകർ രോഗബാധിതർ ആകുന്ന സാഹചര്യത്തിലുമാണ് സമരം ആരംഭിച്ചത്. നേരത്തെ എയിംസിലെ മലയാളി ആരോഗ്യ പ്രവർത്തകന് കൊവിഡ് സ്ഥിരീകരിച്ചിരുന്നു.
ഡൽഹിയിൽ കൊവിഡ് ബാധിച്ച് ഇതുവരെ 556 പേരാണ് മരിച്ചത്. സംസ്ഥാനത്ത് ഇതുവരെ 22132 പേർക്കാണ് കൊവിഡ് സ്ഥിരീകരിച്ചത്. 12132 പേരാണ് ചികിത്സയിലുള്ളത്. 9234 പേർക്ക് രോഗം ഭേദമായി. മധ്യ ഡൽഹിയിലാണ് സ്ഥിതിഗതികൾ ഏറ്റവും രൂക്ഷമായി തുടരുന്നത്
