കൊവിഡ് ബാധിച്ച് സിനിമാ നിർമാതാവ് മരിച്ചു

യുഎഇയിൽ കൊവിഡ് ബാധിച്ച് മലയാള സിനിമാ നിർമാതാവും വ്യവസായിയും ആയിരുന്നയാൾ മരിച്ചു. ശങ്കരൻ കുഴി  വീട്ടിൽ ഹസൻ അലിയാണ് മരിച്ചത്. 50 വയസ്സായിരുന്നു. രോ​ഗലക്ഷണങ്ങളെ തുടർന്ന് ഷാർജ അൽഖാസിമി ആശുപത്രിയിൽ പ്രവേശിപ്പിച്ചു. അസുഖം മൂർച്ഛിച്ചതിനെ തുടർന്ന് റാസൽഖൈമയിലെ സെയ്ഫ് ആശുപത്രിയിലേക്ക് മാറ്റി. ഇവിടെ വെച്ച് ഇന്നലെ രാത്രി മരണം സംഭവിക്കുകയായിരുന്നു.  വസ്ത്ര വിപണന രം​ഗത്തും ഹസൻ അലി സജീവമായിരുന്നു. ബിസിനസ് ആവശ്യത്തിന് സർന്ദർശക വിസയിൽ  യുഎഇയിൽ എത്തിയതായിരുന്നു. കൊവിഡ് പ്രോട്ടോക്കോൾ പ്രകാരം റാസൽഖൈമയിൽ കബറടക്കം നടന്നു.