ബ്രസിലിയ: കഴിഞ്ഞ 24 മണിക്കൂറിനുള്ളില് ബ്രസീലില് 40,995 പേര്ക്കാണ് പുതുതായി രോഗം സ്ഥിരീകരിച്ചത്. അഞ്ചു ദിവസത്തെ നിരക്ക് പരിശോധിച്ചാല് അത് 24,358, 16,856, 31,571, 55,209, 40,995 പേര് എന്നിങ്ങനെയാണ്. ചില ദിവസങ്ങളില് കേസില് കുറവ് രേഖപ്പെടുത്തുന്നത് മാറ്റിനിര്ത്തിയാല് തുടര്ച്ചയായി 30,000 ത്തിന് മുകളിലാണ് ബ്രസീലിലെ പ്രതിദിന രോഗീവര്ദ്ധനവ്. ഇന്നലത്തെ അപേക്ഷിച്ച് കുറവ് കേസുകളാണ് ഇന്ന് റിപ്പോര്ട്ട് ചെയ്തിരിക്കുന്നത്. ഇത് രാജ്യത്തിന് ചെറിയ രീതിയിലുള്ള ആശ്വാസമാവുന്നുണ്ട്.
ഏറ്റവും പുതിയ കണക്കനുസരിച്ച് ബ്രസീലില് ഇതുവരെ രോഗം സ്ഥിരീകരിച്ചവരുടെ എണ്ണം 1,192,474 ആയി. അതിദ്രുത ഗതിയിലുള്ള രോഗീ വര്ദ്ധന മൂലം ലോകത്തില് ഏറ്റവും കൂടുതല് രോഗികളുള്ള രണ്ടാമത്തെ രാജ്യമായി സ്ഥിരത നിലനിര്ത്തുകയാണ് ബ്രസീല്. ഏറെ വൈകി മാത്രം രോഗ വ്യാപനം ശക്തമായ ബ്രസീലില് കാര്യങ്ങള് നിയന്ത്രാതീതമായി തുടരുകയാണ്.
ഇതുവരെ രാജ്യത്ത് കൊവിഡ്-19 മൂലം 53,874 പേരാണ് മരണപ്പെട്ടത്. ഇന്ന് മാത്രം മരണപ്പെട്ടത് 1103 പേരാണ്. കഴിഞ്ഞ ഒരാഴ്ച്ചായായി മരണനിരക്ക് യഥാക്രമം 748, 601, 968, 1,221, 1204, 1,209, 1,338,1103 എന്നിങ്ങനെയായിരുന്നു. ഇതില് ആദ്യ നാലു ദിവസങ്ങളിലെ നിരക്കില് വര്ദ്ധനവ് പ്രകടമാണ്. എന്നാല് ഇന്നലത്തെ അപേക്ഷിച്ച് ഇന്ന് ബ്രസീലില് മരണനിരക്ക് അല്പ്പം കുറവാണ്.
