ബാഗ്ലൂരില്‍ കൊവിഡ് രോഗിയ്ക്ക് ചികിത്സ നിഷേധിച്ച് 18 ആശുപത്രികള്‍ ഒടുവില്‍ അവസാനം എത്തിയ ആശുപത്രിയില്‍ വച്ച് രോഗി മരണപ്പെട്ടു. ഭവാര്‍ലാല്‍ സുജാനി എന്ന 52 കാരനാണ് കൊവിഡ് ബാധയെതുടര്‍ന്ന് ദാരുണാന്ത്യം സംഭവിച്ചത്.
''സ്വകാര്യ, സര്‍ക്കാര്‍ ആശുപത്രികള്‍ തന്റെ സഹോദരന് ചികിത്സ നിഷേധിച്ചു, അവര്‍ ഞങ്ങളെ പ്രവേശന കവാടത്തില്‍ നിന്ന് തന്നെ തിരിച്ചയക്കുകയായിരുന്നു''- ഭവാര്‍ലാല്‍ സുജാനിയുടെ സഹോദരന് ദിനേശ് മാധ്യമങ്ങളോട് പറഞ്ഞു.
പിതാവിന്റെ ചികിത്സയ്ക്കായി തന്റെ കുടുംബം 18 ആശുപത്രികള്‍ കയറി ഇറങ്ങിയതായും സഹായം ആവശ്യപ്പെട്ട് 32 പേരെ വിളിക്കുകയും ചെയ്തുവെന്ന് ഭവാര്‍ലാലിന്റെ ഇളയ മകന്‍ വിക്രം ഒരു പ്രാദേശിക പത്രത്തോട് പറഞ്ഞു,
എന്നാല്‍ കൊവിഡ് രോഗികള്‍ക്കായി ആശുപത്രിയില്‍ നീക്കിവച്ചിട്ടുള്ള 45 കിടക്കകളിലും ഭവാര്‍ലാലിനെ കൊണ്ടുവന്ന സമയത്ത് രോഗികളായിരുന്നുവെന്നുമാണ് ഭഗവാന്‍ മഹാവീര്‍ ആശുപത്രി ജീവനക്കാരില്‍ നിന്ന് വരുന്ന വിശദീകരണം. സംഭവത്തില്‍ ഒരു സര്‍ക്കാര്‍ ആശുപത്രി ഉള്‍പ്പെടെ 9 ഹോസ്പിറ്റലുകളിലേക്ക് കര്‍ണ്ണാടക സര്‍ക്കാര്‍ വിശദീകരണം ആവശ്യപ്പെട്ട് നോട്ടീസ് അയച്ചിട്ടുണ്ട്.
