കൊറോണ വൈറസ് വ്യാപനം തടയാനായി വീണ്ടും മദ്യ വില്‍പ്പനയില്‍ നിയന്ത്രണങ്ങള്‍ ഏര്‍പ്പെടുത്തി ദക്ഷിണാഫ്രിക്ക. ദക്ഷിണാഫ്രിക്കയില്‍ ഈ വര്‍ഷം രണ്ടാമത്തെ പ്രവശ്യമാണ് മദ്യനിരോധനം ഏര്‍പ്പെടുത്തുന്നത്. മദ്യ നിരോധനത്തിലൂടെ ആരോഗ്യ സംരക്ഷണ സംവിധാനങ്ങള്‍ നേരിടുന്ന സമ്മര്‍ദ്ദം കുറക്കാനവുമെന്നു പ്രസിഡന്റ് സിറില്‍ റമാഫോസ അവകാശപെട്ടു.
ദക്ഷിണാഫ്രിക്കയിലെ മൊത്തം കൊവിഡ് രോഗികളുടെ എണ്ണം ഒരു ദശലക്ഷം കവിയുകയും, 4,000 പേര്‍ മരണപ്പെടുകയും ചെയ്തതോടെയാണ് ഈ തീരുമാനം. ഈ വര്‍ഷം അവസാനത്തോടെ ഇത് 50,000 ആയി ഉയരുമെന്ന് സര്‍ക്കാര്‍ പ്രവചനങ്ങള്‍ കണക്കാക്കുന്നു.
ആഫ്രിക്കന്‍ ഭൂഖണ്ഡത്തില്‍ ഏറ്റവും കൂടുതല്‍ കോറേണ ബാധിതരുള്ള രാജ്യമായി ദക്ഷിണാഫ്രിക്ക തുടരുകയാണ്, ഇതുവരെ ഉണ്ടായതില്‍ ഏറ്റവും ഉയര്‍ന്ന കേസുകള്‍ റിപ്പോര്‍ട്ട് ചെയ്തത് ഈ ആഴ്ചയാണ്. ഇവരില്‍ പകുതിയോളം പേരും ഗൗട്ടെംഗ് എന്ന പ്രവിശ്യയില്‍ ഉള്‍പ്പെടുന്നവരാണ്.
