സോഷ്യല്‍ മീഡിയ വെബ്‌സൈറ്റായ ട്വിറ്ററില്‍ കഴിഞ്ഞയാഴ്ച ഹാക്ക് ചെയ്യപ്പെട്ട 130 അക്കൗണ്ടുകളുടെ അവലോകനം പൂര്‍ത്തിയാക്കി. നെതര്‍ലാന്‍ഡിലെ തിരഞ്ഞെടുക്കപ്പെട്ട ഒരു ഉദ്യോഗസ്ഥന്‍ ഉള്‍പ്പെടെ 36 പേര്‍ക്ക് നേരിട്ടുള്ള സന്ദേശങ്ങള്‍ ആക്രമകാരികള്‍ ആക്സസ് ചെയ്തതായി ട്വിറ്റര്‍ കണ്ടെത്തി.
എന്നാല്‍ മുന്‍ യുഎസ് വൈസ് പ്രസിഡന്റ് ജോ ബൈഡന്റെയോ, പ്രസിഡന്റ് ബരാക് ഒബാമയുടെയോ ഡിഎമ്മുകള്‍ ആക്സസ് ചെയ്തിട്ടില്ലെന്ന് ട്വിറ്റര്‍ വക്താവ് സ്ഥിരീകരിച്ചു.
ഇതില്‍ 45 ഉപയോക്താക്കള്‍ക്കായി പാസ് വേഡുകള്‍ മാറ്റാനും, എട്ട് പേരുടെ സ്വകാര്യ സന്ദേശങ്ങള്‍ ഉള്‍പ്പെടെ ഡൗണ്‍ലോഡ് ചെയ്തതായും ട്വിറ്റര്‍ വെള്ളിയാഴ്ച വൈകിട്ട് ബ്ലോഗിലൂടെ അറിയിച്ചു. ചില അക്കൗണ്ടുകളുടെ ഉപയോക്തൃനാമങ്ങള്‍ വില്‍ക്കാന്‍ ഹാക്കര്‍മാര്‍ ശ്രമിച്ചിരിക്കാമെന്ന് സാന്‍ ഫ്രാന്‍സിസ്‌കോ ആസ്ഥാനമായുള്ള കമ്പനിയും അഭിപ്രായപ്പെട്ടു.
