ബംഗലുരു: കര്‍ണ്ണാടക മുഖ്യമന്ത്രിയും ബിജെപിയുടെ ദക്ഷിണേന്ത്യയിലെ മുതിര്‍ന്ന നേതാവുമായ ബി.എസ്.യദിയൂരപ്പയ്ക്ക് കൊവിഡ് സ്ഥിരീകരിച്ചു. മുഖ്യമന്ത്രിയെ മണിപ്പാല്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. മുഖ്യമന്ത്രിയുടെ നില ത്രിപ്തികരമാണെന്നും തങ്ങളുടെ മെഡിക്കല്‍ സംഘം മുഖ്യമന്ത്രിയുടെ ആരോഗ്യ നില സൂക്ഷമായി നിരീക്ഷിച്ചുകൊണ്ടിരിക്കുകയാണെന്നും മണിപ്പാല്‍ മെഡിക്കല്‍ കോളേജ് ആശുപത്രി പ്രത്യേക ബുള്ളറ്റിനില്‍ വ്യക്തമാക്കി. 77 കാരനായ. യദിയൂരപ്പയുടെ കൂടെ കൊവിഡ് ടെസ്റ്റ്‌ പോസിറ്റീവായ മകളെയും ആശുപത്രിയില്‍ പ്രവേശിപ്പിച്ചിട്ടുണ്ട്.
തനിക്ക് കൊവിഡ് സ്ഥിരീകരിച്ച വിവരം യദിയൂരപ്പ ട്വിറ്ററിലൂടെ അറിയിച്ചു. കൊവിഡ് ടെസ്റ്റ്‌ പോസിറ്റീവായതിനാല്‍ താന്‍ ആശുപത്രിയിലേക്ക് മാറുകയാണെന്നും അദ്ദേഹം ട്വിറ്ററില്‍ കുറിച്ചു. ''എന്‍റെ ആരോഗ്യ നില തൃപ്തികരമാണ്. ഞാനുമായി സമ്പര്‍ക്കം പുലര്‍ത്തിയ എല്ലാവരും ഉടന്‍ നിരീക്ഷണത്തില്‍ പോകണമെന്നും പരിശോധനയ്ക്ക് വിധേയമാകണം''- ബി.എസ്.യദിയൂരപ്പ തന്റെ ട്വിറ്റര്‍ കുറിപ്പിലൂടെ അഭ്യര്ഥിച്ചു
കര്‍ണാടകയില്‍ ഇതുവരെ കൊവിഡ് സ്ഥിരീകരിച്ചവരുടെ എണ്ണം 1,34,819 ആയി. 2,496 പേര്‍ ഇതിനകം മരണപ്പെട്ടു.
ഇന്നലെ കേന്ദ്ര ആഭ്യന്തര മന്ത്രി അമിത്ഷാ, തമിള്‍നാട് ഗവന്നാര്‍ ബനവാരിലാല്‍ പുരോഹിത് എന്നിവര്‍ക്ക് ഇന്നലെ കൊവിഡ് സ്ഥിരീകരിച്ചിരുന്നു. മാഷ്യപ്രദേശ് മുഖ്യമന്ത്രി ശിവ് രാജ് സിംഗ് ചൌഹാനും കൊവിഡ് ബാധിച്ച് ആശുപത്രിയിലാണ്.
