ജനീവ: കഴിഞ്ഞ 24 മണിക്കൂറിനുള്ളില് ലോകത്ത് 2,15,696 പേര്ക്കാണ് കൊവിഡ് സ്ഥിരീകരിച്ചത്. ലോകത്താകെ ഇതുവരെ കൊവിഡ്-19 സ്ഥിരീകരിച്ചിരിക്കുന്നത് 2,54,16,064 പേര്ക്കാണ്. ഈ മാസം തുടര്ച്ചയായി 2.5 ലക്ഷത്തിനു മുകളിലും തൊട്ടു താഴെയുമാണ് പ്രതിദിന രോഗീ വര്ധന. ഇടയ്ക്ക് 3 ലക്ഷത്തിലേക്ക് ഉയര്ന്നിരുന്ന നിരക്ക് പിന്നീട് 2.5 ലക്ഷത്തിലേക്ക് തന്നെ താഴ്ന്നിരുന്നു. രോഗ വ്യാപനം ലോകത്താകെ ശക്തമായ രീതിയില് തുടരുകയാണ്. ലോകത്താകെ നിലവില് കൊവിഡ്-19 ബാധിച്ച് അതീവഗുരുതരാവസ്ഥയില് കഴിയുന്നത് 61,088 പേരാണ്.1,77,24,4064 പേര് ഇതിനകം രോഗവിമുക്തരായി. 68,40,559 പേര് നിലവില് ചികിത്സയിലാണ്.
24 മണിക്കൂറിനുള്ളില് 3708 മരണം
പ്രതിദിനം 2 മുതല് 3 ലക്ഷത്തോളം പേര്ക്ക് രോഗം പിടിപെടുമ്പോഴും മരണനിരക്ക് അതിനനുസരിച്ച് ഉയരുന്നില്ല എന്നു മാത്രമല്ല നിരക്കില് കുറവാണ് രേഖപ്പെടുത്തുന്നത്. ലോകത്താകെ നടക്കുന്ന കൊവിഡ് പ്രതിരോധ പ്രവര്ത്തനങ്ങളിലെ മികവും ചികിത്സാ രംഗത്തെ ഗവേഷണങ്ങളും കൊവിഡിനൊപ്പം ജീവിക്കാന് ജനങ്ങള് നേടിയ പരിശീലനവും ജാഗ്രതയും മൂലം പൊതുവില് മരണനിരക്ക് രോഗീ വര്ദ്ധനവൂമായി താരതമ്യപ്പെടുത്തുമ്പോള് കുറവാണ്. ഏറ്റവും പുതിയ കണക്കനുസരിച്ച് ലോകത്ത് ഇതുവരെ മരണപ്പെട്ടവരുടെ എണ്ണം 8,51,099 ആയി.