തിയറ്ററുകള് തുറക്കാന് സര്ക്കാര് അനുമതി നല്കിയെങ്കിലും സിനിമ നല്കില്ലെന്ന് ഡിസ്ട്രിബ്യൂട്ടേഴ്സ് അസോസിയേഷന്. തിയേറ്ററുകളില് നിന്നും ലഭിക്കാനുള്ള പണം തന്നാല് മാത്രമേ പുതിയ സിനിമകള് വിതരണം ചെയ്യുകയുള്ളൂവെന്ന നിലപാടിലാണ് അസോസിയേഷൻ. ഡിസ്ട്രിബ്യൂട്ടേഴ്സ് അസോസിയേഷന് പ്രസിഡന്റ് സിയാദ് കോക്കറാണ് നിലപാട് വ്യക്തമാക്കിയിരിക്കുന്നത്.
സംസ്ഥാനത്ത് തിയറ്ററുകള്ക്ക് ജനുവരി 5 മുതല് തുറക്കാമെന്ന് മുഖ്യമന്ത്രി പിണറായി വിജയന് കഴിഞ്ഞ ദിവസം വ്യക്തമാക്കിയിരുന്നു. ആകെ സീറ്റുകളുടെ പകുതി ആളുകളെ മാത്രമേ പ്രവേശിപ്പിക്കാവൂ. കൊവിഡ് മാര്ഗരേഖ ലംഘിച്ചാല് തിയറ്ററുകള്ക്കെതിരെ കര്ശന നടപടി സ്വീകരിക്കുമെന്നും മുഖ്യമന്ത്രി പറഞ്ഞു.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
എന്നാല്, തിയേറ്റർ തുറക്കുന്നതുമായി ബന്ധപ്പെട്ട് നിര്മ്മാതാക്കള് സര്ക്കാരിന് മുന്നില് വച്ച് ഉപാധികള് പരിഹരിച്ചാല് മാത്രമേ സഹകരിക്കൂ എന്നാണ് സിയാദ് കോക്കര് പറയുന്നത്.