ഡല്ഹി: ഇന്ത്യയില് ആറുപേര്ക്കുകൂടി അതിതീവ്ര കൊവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 96 ആയെന്ന് കേന്ദ്ര ആരോഗ്യമന്ത്രാലയം അറിയിച്ചു. യുകെയില് നിന്ന് തിരികെയത്തിയവരിലാണ് രോഗം കണ്ടെത്തിയത്. രോഗബാധിതരുമായി സമ്പര്ക്കത്തിലേര്പ്പെട്ടവരെ കണ്ടെത്തി ആര്ടിപിസിആര് പരിശോധനകള്ക്ക് വിധേയരാക്കാന് കേന്ദ്രം സംസ്ഥാന സര്ക്കാരുകളോട് ആവശ്യപ്പെട്ടു.
ബംഗളൂരു നിംഹാന്സ്, ഹൈദരാബാദ് സിസിഎംബി, നാഷണല് ഇന്സ്റ്റിറ്റ്യൂട്ട് ഓഫ് വൈറോളജി തുടങ്ങിയ ആശുപത്രികളിലാണ് സാമ്പിളുകളുകള് പരിശോധിക്കുന്നത്. വൈറസിന്റെ പുതിയ വകഭേദം ബ്രിട്ടനിലും മറ്റ് രാജ്യങ്ങളിലും കണ്ടെത്തിയതോടെ ഇന്ത്യ യുകെയില് നിന്നുളള വിമാന സര്വ്വീസുകള് നിര്ത്തിവയ്ച്ചിരിക്കുകയാണ്.
പ്രധാന വാര്ത്തകള് മാത്രം ടെലഗ്രാമില് ലഭിക്കാന് ഈ ലിങ്ക് ക്ലിക്ക് ചെയ്യുക
ജനിതകമാറ്റം വന്ന കൊവിഡ് വൈറസിന് 70 ശതമാനം വ്യാപനശേഷി കൂടുതലാണെന്നാണ് കണ്ടെത്തല്. ഡെന്മാര്ക്ക്, നെതര്ലാന്റ്, ഓസ്ട്രേലിയ, ഇറ്റലി, സ്വീഡന്, ഫ്രാന്സ്, സ്പെയില്, സ്വിറ്റ്സര്ലാന്റ്, ജര്മനി, കാനഡ, ജപ്പാന്, ലെബനന്, സിംഗപ്പൂര് എന്നിവിടങ്ങളിലും ഇതിനകം ജനിതകമാറ്റം വന്ന കൊറോണ വൈറസ് റിപ്പോര്ട്ട് ചെയ്തിട്ടുണ്ട്.