പാരിസ്: കൊവിഡ് വൈറസ് പുരുഷന്‍മാരിലെ ബീജത്തിന്റെ ഗുണമേന്മ നശിപ്പിക്കുമെന്ന് പുതിയ പഠനം. ജര്‍മനിയിലെ ജസ്റ്റസ് ലീബഗ് യൂണിവേഴ്‌സിറ്റിയിലെ ഗവേഷണത്തിലാണ് കൊവിഡ് വൈറസ് പുരുഷന്മാരുടെ പ്രത്യൂല്‍പാദന ശേഷി കുറയ്ക്കുമെന്ന് കണ്ടെത്തിയത്.
കൊവിഡ് ബാധിച്ച 84 പുരുഷന്‍മാരില്‍ അറുപത് ദിവസത്തോളം നടത്തിയ പരീക്ഷണത്തിനൊടുവില്‍ ആരോഗ്യവാന്‍മാരായ പുരുഷന്മാരുടെ ബീജവും രോഗം ബാധിച്ചവരുടെ ബീജവും തമ്മില്‍ നടത്തിയ വിശകലനത്തിലാണ് കണ്ടെത്തല്‍. ലോകത്താകമാനം 2.2 ദശലക്ഷം ജനങ്ങളുടെ ജീവനെടുത്ത വൈറസ് ബീജകോശങ്ങളുടെ വളര്‍ച്ചയെ തടസപ്പെടുത്തുകയും കോശങ്ങളെ ഇല്ലാതാക്കുകയും ചെയ്യും. വൈറസ് ഓക്‌സിഡേറ്റീവ് സ്‌ട്രെസ് എന്ന അവസ്ഥയ്ക്ക് കാരണമാകുമെന്നും വെളളിയാഴ്ച്ച പ്രസിദ്ധീകരിച്ച റിപ്പ്രോഡക്ഷന്‍ ജേണലില്‍ പറയുന്നു.
പ്രധാന വാര്‍ത്തകള്‍ മാത്രം ടെലഗ്രാമില്‍ ലഭിക്കാന്‍ ഈ ലിങ്ക് ക്ലിക്ക് ചെയ്യുക
എന്നാല്‍ ഗവേഷകരുടെ കണ്ടെത്തല്‍ പൂര്‍ണമായും തെളിയിക്കപ്പെട്ടതല്ലെന്ന് വിദഗ്ദര്‍ അഭിപ്രായപ്പെട്ടു. സാധാരണയായി കൊവിഡ് ശ്വാസകോശസംബന്ധമായ അസുഖങ്ങള്‍ക്ക് കാരണമാവും.
