ആരോഗ്യമന്ത്രി കെകെ ശൈലജയുടെ മകനും ഭാര്യയ്ക്കും കോവിഡ്. ഇവരുമായി നേരിട്ട് സമ്പർക്കത്തിൽ ഉണ്ടായിരുന്ന മന്ത്രി കെ കെ ഷൈലജ ക്വാറന്റൈനിൽ പ്രവേശിച്ചു. മന്ത്രി തന്നെയാണ് ഇക്കാര്യം അറിയിച്ചത്. ശൈലജക്ക് രോഗലക്ഷണങ്ങൾ ഇല്ല. മന്ത്രിയുടെ ആരോഗ്യ നില തൃപ്തികരമാണ്. മന്ത്രിയുടെ വീട്ടിൽ സന്ദർശകരെ കർശനമായി വിലക്കിയിട്ടുണ്ട്. മന്ത്രിയുടെ കണ്ണൂരിലെ വീട്ടിൽ തന്നെയാണ് മകനും ഭാര്യയും താമസിക്കുന്നത്.
മന്ത്രി ഓൺലൈനിലൂടെ മാത്രമാണ് യോഗങ്ങളിൽ പങ്കെടുക്കുന്നത്. ഏതാനും ദിവസങ്ങളായി മന്ത്രി നേരിട്ട് യോഗങ്ങളിൽ പങ്കെടുക്കുന്നില്ല. കൊവിഡുമായി പ്രതിരോധ പ്രവർത്തനങ്ങളുമായി ബന്ധപ്പെട്ട് ഓൺലൈനായി ഇടപെടൽ തുടരുമെന്ന് മന്ത്രിയുടെ ഓഫീസ് അറിയിച്ചു.
മുഖ്യമന്ത്രി പിണറായി വിജയൻ, വ്യവസായ മന്ത്രി ഇപി ജയരാജൻ, ധനകാര്യമന്ത്രി തോമസ് ഐസക് തുടങ്ങിയവർക്ക് നേരത്തെ രോഗം ബാധിച്ചിരുന്നു.