റിയാദ്: സൌദി അറേബ്യയിലെ പൊതു, സ്വകാര്യ സ്ഥാപനങ്ങളിലെ എല്ലാ ജീവനക്കാര്ക്കും 15 - ദിവസത്തേക്ക് അവധി പ്രഖ്യാപിച്ചു. സ്ഥാപനങ്ങളുടെ ഹെഡ് ഓഫീസുകളില് വരുന്നത് പൂര്ണ്ണമായി വിലക്കിയിട്ടുണ്ട്. ജീവനക്കാര് പകരം വീട്ടിലിരുന്നു ജോലി ചെയുതാല് മതിയാകും. സ്വകാര്യ മേഖലയിലെ കമ്പനികള്ക്ക് കടുത്ത ജാഗ്രതാ നിര്ദ്ദേശമാണ് തൊഴില് മന്ത്രാലയം നല്കിയിരിക്കുന്നത്. എല്ലാ സ്ഥാപനങ്ങളിലെയും ജീവനക്കാരെ ഓഫീസുകളില് വരുന്നതില് നിന്ന് വിലക്കണമെന്നും പരമാവധി വീടുകളില് ഇരുന്ന് ജോലി ചെയ്യാന് അനുവദിക്കണമെന്നുമാണ് നിര്ദ്ദേശം.
അവശ്യ സര്വീസുകള്ക്ക് ചില ഇളവുകള് നല്കിയിട്ടുണ്ട്. കുടിവെള്ളം, ഭക്ഷണം, ഔഷധം, ആശുപത്രി, വൈദ്യുതി, വാര്ത്താവിനിമയം, ട്രാന്സ്പോര്ട്ടേഷന് തുടങ്ങിയ മേഖലകളില് പ്രവര്ത്തിക്കുന്ന കമ്പനികള്ക്ക് നിയന്ത്രണങ്ങളോടെ ഇളവുകള് നല്കിയിട്ടുണ്ട്.
കൊറോണ ജാഗ്രതയുടെ ഭാഗമായാണ് നടപടികള് എന്നും ഇത് ലംഘിക്കുന്നവര്ക്കെതിരെ നിയമ നടപടികള് സ്വീകരിക്കുമെന്നും തൊഴില് മന്ത്രാലയം മുന്നറിയിപ്പ് നല്കിയിട്ടുണ്ട്.