ദുബായ് : കൊറോണ ജാഗ്രത ശക്തിപ്പെടുത്തിയതിന്‍റെ ഭാഗമായി ദുബായ് ഗ്ലോബല്‍ വില്ലേജ് 2019-2020 ലെ തങ്ങളുടെ 24 - ാമത് സീസണ്‍ അവസാനിപ്പിക്കുന്നതായി പ്രഖ്യാപിച്ചു. അടുത്ത മാസം 4-ന് അവസാനിക്കേണ്ടിയിരുന്ന സീസണ്‍ ആണ് ലോകത്തെയാകെ പരിഭ്രാന്തിയിലാഴ്ത്തിയ കൊറോണ രോഗ വ്യാപനത്തെ തുടര്‍ന്ന് അവസാനിപ്പിച്ചത്.
''പൊതുജനാരോഗ്യ സുരക്ഷയ്ക്കായി നടക്കുന്ന ശ്രമങ്ങളോട് ഐക്യദാര്‍ഡൃം പ്രഖ്യാപിച്ചുകൊണ്ട് 2019-2020 ലെ സീസണ്‍ നേരത്തെ നിറുത്തുന്നതായി'' ദുബായ് മീഡിയ ഓഫീസ് ട്വീറ്റ് ചെയ്തു.
സാംസ്കാരിക കേന്ദ്രങ്ങളും മ്യുസിയങ്ങളും അമ്യുസ്മെന്‍റ് പാര്‍ക്കുകളും ഗ്രന്ഥാലയങ്ങളും തല്ക്കാലികമായി ഈ മാസം അവസാനം വരെ അടച്ചിടണമെന്ന് ദുബായ് സാംസ്കാരിക മന്ത്രാലയം നേരത്തെ തന്നെ ആവശ്യപ്പെട്ടിരുന്നു. ഞായറാഴ്ചയായിരുന്നു മന്ത്രാലയം അനുവദിച്ച അവസാന ദിനം
