മതങ്ങളുടെ ഭാഗമായ യാതൊന്നും ചോദ്യം ചെയ്യപ്പെടാൻ പാടില്ലാത്തതാണ് എന്നല്ല ഈ പറഞ്ഞതിന്റെ അർഥം. ആവിഷ്കാര സ്വാതന്ത്ര്യത്തിന് അതിന്റെതായ പ്രസക്തി ഇവിടെയുണ്ട്. എന്നാൽ, വിലകുറഞ്ഞ തമാശകൾ സൃഷ്ടിക്കാനോ, ശ്രദ്ധ കിട്ടാനോ വേണ്ടി ഒരു വിഭാഗത്തെ വേദനിപ്പിക്കുന്ന പ്രവണത ഒഴിവാക്കപ്പെടേണ്ടതാണ് എന്ന് കെ.സി.ബി.സി പുറത്തിറക്കിയ ഫേസ്ബുക്ക് പോസ്റ്റില് വ്യകതമാക്കുന്നു
നാദിര്ഷ സംവിധാനം ചെയ്യാന് പോകുന്ന രണ്ടു സിനിമകളുടെയും പേരിനെതിരെ ചില ക്രിസ്തീയ സംഘടനകള് രംഗത്തെത്തിയിരുന്നു. പുതിയ സിനിമയുടെ പേരുകള് ക്രിസ്തീയ മത വികാരത്തെ വ്രണപ്പെടുത്തുന്നുവെന്നാണ് സംഘടനകളുടെ ആരോപണം. ഇതിന്റെ അടിസ്ഥാനത്തിലാണ് നാദിര്ഷയുടെ വിശദീകരണം.