തിരുവനന്തപുരം: ഇടുക്കി വണ്ടിപ്പെരിയാറില് കൊല ചെയ്യപ്പെട്ട ആറുവയസുകാരിയുടെ വീട്ടിലേക്കുള്ള യാത്രയ്ക്കിടെ സംസ്ഥാന വനിതാ കമ്മീഷന് അംഗം ഷാഹിദാ കമാല് ഫെയ്സ്ബുക്കില് പങ്കുവച്ച ചിത്രത്തിനെതിരെ യൂത്ത് കോണ്ഗ്രസ് നേതാവ് രാഹുല് മാന്കൂട്ടത്തില് രംഗത്ത്. ചിത്രത്തില് 'ഇടുക്കി വണ്ടിപ്പെരിയാറിലേക്കുളള യാത്രയില്' എന്ന തലക്കെട്ടില് ചിരിച്ചുകൊണ്ട് കാറിലിരിക്കുന്ന സെല്ഫിയാണ് ഷാഹിദ പങ്കുവച്ചത്. തലക്കെട്ട് കണ്ടപ്പോള് മഞ്ഞ് നുകരാന് മൂന്നാറിലേക്ക് ട്രിപ്പ് പോകാനുളള തയാറെടുപ്പിലായിരിക്കും ഷാഹിദ കമാലെന്നാണ് ആദ്യനോട്ടത്തില് തനിക്ക് തോന്നിയതെന്ന് രാഹുല് മാങ്കൂട്ടത്തില് പറഞ്ഞു.
വനിതാകമ്മീഷന് അംഗമായ ഒരാള് പീഡിപ്പിച്ച് കൊന്നുകളഞ്ഞ പിഞ്ചോമനയുടെ ശവകുടീരത്തിലേക്ക് പോകുമ്പോള് പിക് നിക്കിന് പോകുന്നതുപോലെ ചിരിച്ചിരിക്കുന്നതിന്റെ അര്ത്ഥമെന്താണെന്നും രാഹുല് ചോദിച്ചു. നിങ്ങള് വണ്ടിപ്പെരിയാറിലെ ആ വീട്ടില് പോയി ഇങ്ങനെ ചിരിക്കരുത്. സഖാവ് അര്ജുന് പീഡിപ്പിച്ച് കെട്ടിത്തൂക്കിയ ആ ആറുവയസുകാരി കുഞ്ഞിന്റെ ചിരി മായാത്ത അവളുടെ ഉറ്റവര്ക്ക് ഈ ചിരി ക്രൂരമായി തോന്നാം എന്നും രാഹുല് കൂട്ടിച്ചേര്ത്തു.
