തിരുവനന്തപുരം:നിയമസഭാ കയ്യാങ്കളി കേസ് വീണ്ടും പിന്‍വലിക്കാന്‍ ശ്രമിച്ച് സര്‍ക്കാര്‍ മലയാളികളെ അപമാനിക്കരുതെന്ന് പ്രതിപക്ഷ നേതാവ് വി. ഡി. സതീശന്‍. സംസ്‌കാര സമ്പന്നരും രാഷ്ട്രീയ പ്രബുദ്ധരുമെന്ന് ലോകത്തിനുമുന്നില്‍ അഭിമാനത്തോടെ തലയുയര്‍ത്തി പറഞ്ഞിരുന്ന മലയാളിയെ നാണം കെടുത്തിയ സംഭവമായിരുന്നു നിയമസഭയില്‍ നടന്നത്. രാജ്യത്തെ ഒരു നിയമവ്യവസ്ഥയും ആ കേസ് പിന്‍വലിക്കുവാന്‍ അനുവദിക്കില്ല എന്ന് നിയമപരിജ്ഞാനം ഇല്ലാത്ത ആളുകള്‍ക്കുപോലും വ്യക്തമാകുന്ന കേസാണ് ഇതെന്ന് വി. ഡി. സതീശന്‍ പറഞ്ഞു.
മലയാളിയുടെ ആത്മാഭിമാനവും ജനങ്ങളുടെ നികുതിപ്പണവുമാണ് ഇതിനായി പണയം വയ്ക്കുന്നത്. കേസുമായി ബന്ധപ്പെട്ട് സര്‍ക്കാര്‍ നല്‍കിയിരിക്കുന്ന അപ്പീലുകള്‍ പിന്‍വലിച്ച് നിയമത്തെ അതിന്റെ വഴിക്ക് പോകാന്‍ അനുവദിക്കണമെന്നും അദ്ദേഹം കൂട്ടിച്ചേര്‍ത്തു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
