തിരുവനന്തപുരം: പ്രധാനമന്ത്രി പ്രഖ്യാപിച്ച നാളത്തെ (ഞായര്‍) ജനതാ കര്‍ഫ്യുവിനോട് ഐക്യദാര്‍ഡൃം പ്രഖ്യാപിച്ചുകൊണ്ട് സംസ്ഥാന സര്‍ക്കാര്‍ മദ്യവില്‍പന കേന്ദ്രങ്ങളും ബാറുകളും അടച്ചിടും. ബിവറേജസ് കോര്‍പ്പറേഷനു കീഴിലുള്ള ഔട്ട്‌ലറ്റ്കളോന്നും പ്രവര്‍ത്തിക്കില്ല.
കെ.എസ്.ആര്‍.ടി.സി.ബസ്സുകള്‍ നിരത്തിലിറങ്ങില്ല. സര്‍ക്കാര്‍ ഉടമസ്ഥതയിലുള്ള പൊതു വാഹനങ്ങളൊന്നും നാളെ പുറത്തിറങ്ങില്ല. മെട്രോ ട്രെയിനുകള്‍ ഓടില്ല. ജനതാ കര്‍ഫ്യുവിന്‍റെ ഭാഗമായി വീട്ടിലിരിക്കാനുള്ള കേന്ദ്ര സര്‍ക്കാരിന്‍റെ നിര്‍ദ്ദേശത്തോട് പൂര്‍ണ്ണമായും സഹകരിക്കുന്ന നിലപാടാണ് കേരളം കൈകൊള്ളുക എന്ന് മുഖ്യമന്ത്രി നേരത്തെ തന്നെ വ്യകതമാക്കിയിരുന്നു.
ജനതാ കര്‍ഫ്യു ആചരിക്കുന്നതിനോടൊപ്പം ആ ദിനം വീടുകളുടെ പരിസര ശുചീകരണത്തിനായി മുന്നിട്ടിറങ്ങണമെന്നും മുഖ്യമന്ത്രി ജനങ്ങളോട് അഭ്യര്‍ത്ഥിച്ചിട്ടുണ്ട്
