തിരുവനന്തപുരം: നിയമസഭാ കയ്യാങ്കളിക്കേസില് സുപ്രീംകോടതി വിധിക്കുപിന്നാലെ പ്രതികരണവുമായി കോണ്ഗ്രസ് നേതാവ് കെ. മുരളീധരന്. വി. ശിവന്കുട്ടി രാജിവെക്കണമെന്ന് അദ്ദേഹം പറഞ്ഞു. രാജിവെച്ചില്ലെങ്കില് നാണംകെട്ട് പുറത്തുപോകേണ്ടിവരും. ഇപ്പോള് രാജി വെച്ചാല് ധാര്മ്മികതയെങ്കിലും ഉയര്ത്തിക്കാട്ടാമെന്ന് മുരളീധരന് പറഞ്ഞു. മാധ്യമങ്ങളോട് സംസാരിക്കുകയായിരുന്നു അദ്ദേഹം.
'വി ശിവന്കുട്ടി രാജി വെച്ചില്ലെങ്കില് നാണം കെട്ട് ഇറങ്ങിപ്പോകേണ്ടിവരും. കോടതിയുടെ ശിക്ഷ പല രീതിയിലാകും. അത് ജഡ്ജിയുടെ അധികാരമാണ്. രണ്ട് വര്ഷത്തിലേറേ ശിക്ഷ ലഭിക്കുകയാണെങ്കില് എംഎല്എ സ്ഥാനം പോകും. അതില് കുറവാണെങ്കില് മന്ത്രിസ്ഥാനം രാജി വെക്കേണ്ടിവരും. കെടി ജലീല് അവസാനം വരെ പിടിച്ചുനിന്നു എന്നാല് അവസാനം നാണം കെട്ട് ഇറങ്ങിപ്പോവുകയായിരുന്നു. ശിവന്കുട്ടി ഇപ്പോള് രാജിവെച്ചാല് ധാര്മ്മികതയുടെ പേരെങ്കിലും പറയാം. കോടതി ശിക്ഷിച്ചതിന്റെ പേരില് പുറത്തുപോകേണ്ടിവന്നാല് സര്ക്കാരിന്റെ മുഖം കൂടുതല് വികൃതമാവും' മുരളീധരന് പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
