ബംഗളൂരു: കോംഗോ സ്വദേശിയായ വിദ്യാര്ത്ഥി പൊലീസ് കസ്റ്റടിയിലിരിക്കെ മരണപ്പെട്ടതിനുപിന്നാലെ കര്ണാടകയില് വ്യാപക പ്രതിഷേധം. നിരോധക മരുന്ന് കയ്യില് വച്ചതിനാണ് കര്ണാടക പൊലീസ് ജോയല് മാലു എന്ന ഇരുപത്തെട്ടുകാരനെ കസ്റ്റഡിയിലെടുത്തത്. ഞായറാഴ്ച്ച പൊലീസ് അറസ്റ്റ് ചെയ്ത മാലു തിങ്കളാഴ്ച്ച പൊലീസ് കസ്റ്റഡിയിലിരിക്കെ മരിക്കുകയായിരുന്നു. ഹൃദയാഘാതമാണ് മരണകാരണം എന്നാണ് റിപ്പോര്ട്ട്.
വിദ്യാര്ത്ഥി നെഞ്ചുവേദന വരുന്നുവെന്ന് പറഞ്ഞപ്പോള്തന്നെ നിരവധി തവണ സിപിആര് നല്കിയിരുന്നു. ഹൃദയസ്തംഭനമാണ് മരണകാരണം എന്നാണ് പൊലീസ് പറയുന്നത്. എന്നാല് ജോയല് മാലുവിന്റെത് കസ്റ്റഡി മരണമാണ് എന്നാണ് കര്ണാടകയിലെ ആഫ്രിക്കന് വംശജര് ആരോപിക്കുന്നത്. ജോയല് മാലുവിന്റെ മരണത്തിനുപിന്നാലെ പ്രതിഷേധം നടത്തിയ വിദ്യാര്ത്ഥികള്ക്കുനേരേ പൊലീസ് ലാത്തി ചാര്ജ്ജ് നടത്തി. പൊലീസിന്റെ ആക്രമണത്തില് നിരവധി ആഫ്രിക്കന് വംശജര്ക്ക് പരിക്കേറ്റിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കര്ണാടകയില് ജോലി ചെയ്യുകയും പഠിക്കുകയും ചെയ്യുന്ന ആഫ്രിക്കന് വംശജരുടെ സംഘടനയായ പാന് ആഫ്രിക്കന് ഫെഡറേഷന് അംഗങ്ങളാണ് പ്രതിഷേധം സംഘടിപ്പിച്ചത്. ഇന്ത്യയില് ആഫ്രിക്കന് വംശജര്ക്കെതിരെ വംശീയ അതിക്രമങ്ങള് നടക്കുന്നുണ്ടെന്നും പൊലീസ് വ്യാജക്കേസുണ്ടാക്കി അവരെ അറസ്റ്റ് ചെയ്യുന്നുണ്ടെന്നും ആരോപണമുണ്ട്.