ഡല്ഹി: വിവാദ കാര്ഷികനിയമങ്ങള്ക്കെതിരായി പ്രതിഷേധിക്കുന്ന കര്ഷകരെ അവഗണിക്കുന്ന കേന്ദ്രസര്ക്കാരിനും യുപി സര്ക്കാരിനും മുന്നറിയിപ്പുമായി കര്ഷക നേതാവ് രാകേഷ് ടികായത്ത്. ഇനിയും കാര്ഷികനിയമങ്ങള് പിന്വലിക്കാന് തയാറായില്ലെങ്കില് വരുന്ന ഉത്തര്പ്രദേശ് നിയമസഭാ തെരഞ്ഞെടുപ്പില് പൊതുജനം സര്ക്കാരിനെ ഒരു പാഠം പഠിപ്പിക്കുമെന്ന് രാകേഷ് ടികായത്ത് പറഞ്ഞു.
ഗ്രേറ്റര് നോയിഡയില് ജേവാറില് നടന്ന മഹാപഞ്ചായത്തില് സംസാരിക്കുകയായിരുന്നു അദ്ദേഹം. ലക്നൗ ആരുടെയും അച്ഛന്റെ സ്വത്തല്ല. ഞങ്ങള് കര്ഷകരുടെതാണ്. നിയമങ്ങള് പിന്വലിക്കുന്നതുവരെ കര്ഷകര് പ്രതിഷേധത്തില് നിന്ന് പിന്മാറില്ലെന്നും അദ്ദേഹം കൂട്ടിച്ചേര്ത്തു. ഗ്രേറ്റര് നോയിഡയില് നടന്ന മഹാപഞ്ചായത്തില് ആയിരക്കണക്കിന് കര്ഷകരാണ് പങ്കെടുത്തത്. മഹാപഞ്ചായത്ത് നടക്കുന്ന മേഖലയില് പൊലീസ് കനത്ത സുരക്ഷയൊരുക്കിയിരുന്നു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക