തിരുവനന്തപുരം: മുഖ്യമന്ത്രി പിണറായി വിജയന്‍ പ്രധാനമന്ത്രി നരേന്ദ്രമോദിക്ക് പഠിക്കുകയാണെന്ന് പ്രതിപക്ഷ നേതാവ് വി. ഡി. സതീശന്‍. മുഖ്യമന്ത്രി പ്രധാനമന്ത്രിയെ അനുകരിക്കുന്നതുകൊണ്ടാണ് ചോദിക്കുന്ന ചോദ്യങ്ങള്‍ക്കൊന്നും ഉത്തരം നല്‍കാത്തതെന്നും വി. ഡി. സതീശന്‍ പറഞ്ഞു. സ്പീക്കര്‍ക്കുമേല്‍ സര്‍ക്കാരിന്റെ സമ്മര്‍ദ്ദമുണ്ടെന്നും അദ്ദേഹം ആരോപിച്ചു.
മന്ത്രിമാര്‍ക്ക് ലോക്കല്‍ സെക്രട്ടറിമാരെപ്പോലും ഭയമാണ്. അതുകൊണ്ടാണ് ആരോഗ്യമന്ത്രിക്ക് തെറ്റായ ഉത്തരം നിയമസഭയില്‍ പറയേണ്ടിവന്നതെന്നും വി. ഡി. സതീശന്‍ കൂട്ടിച്ചേര്‍ത്തു. അതേസമയം, ഡോളര്‍കടത്തുകേസില്‍ മുഖ്യമന്ത്രി പ്രതികരിക്കാത്തതില്‍ പ്രതിഷേധിച്ച് ഇന്നും പ്രതിപക്ഷം നിയമസഭ ബഹിഷ്‌കരിച്ചു. മുഖ്യമന്ത്രിയുടെ നിലപാട് ആശങ്കയുണ്ടാക്കുന്നതാണ്. അധികാരത്തിലിരിക്കുന്നവര്‍ മറുപടി പറയാത്തത് ശരിയല്ല എന്ന് വി. ഡി. സതീശന്‍ പറഞ്ഞു.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
സഭയില്‍ ഏത് വിഷയം അവതരിപ്പിച്ചാലും ഭരണപക്ഷം എതിര്‍ക്കുന്നത് പതിവായി. മര്യാദയുടെ എല്ലാ സീമകളും ഭരണപക്ഷ അംഗങ്ങള്‍ ലംഘിച്ചു എന്നും വി. ഡി. സതീശന്‍ പറഞ്ഞു. കഴിഞ്ഞ ദിവസം കുട്ടനാട് വിഷയത്തില്‍ അടിയന്തരപ്രമേയത്തിന് മറുപടി നിഷേധിച്ചതില്‍ പ്രതിഷേധിച്ച് സംസാരിക്കുകയായിരുന്നു അദ്ദേഹം.
