ചണ്ഡീഗഡ്: രാജ്യത്തിന്റെ 75-ാമത് സ്വാതന്ത്ര്യദിനത്തില് പാക്കിസ്ഥാന് ശക്തമായ മുന്നറിയിപ്പുമായി പഞ്ചാബ് മുഖ്യമന്ത്രി അമരീന്ദര് സിംഗ്. അതിര്ത്തി സ്ഥലങ്ങളില് ആക്രമണങ്ങളുണ്ടാവാന് അനുവദിക്കില്ലെന്ന് അമരീന്ദര് സിംഗ് പറഞ്ഞു. പാക്കിസ്ഥാന് സാഹസികത കാണിക്കാന് ശ്രമിച്ചാല് ജീവിതകാലം മുഴുവന് മറക്കാനാവാത്ത പാഠം പഠിപ്പിക്കുമെന്നും അദ്ദേഹം പറഞ്ഞു. പാക്കിസ്ഥാനുമായി അതിര്ത്തി പങ്കിടുന്ന സംസ്ഥാനമാണ് പഞ്ചാബ്.
ജനങ്ങളുടെ വികസനത്തിനായുളള വ്യവസായങ്ങളും മറ്റ് പദ്ധതികളും പ്രോത്സാഹിപ്പിക്കണമെങ്കില് ആദ്യം സംസ്ഥാനത്ത് സമാധാനം ഉറപ്പുവരുത്തേണ്ടതുണ്ട്. അതുകൊണ്ടുതന്നെ സംസ്ഥാനത്തിന്റെ സമാധാനത്തിന് ഊന്നല് നല്കിക്കൊണ്ടുളള പ്രവര്ത്തനങ്ങള്ക്കാണ് പ്രഥമ പരിഗണന നല്കുക.
ഗുണ്ടാസംഘങ്ങളില് നിന്നും ഭീകരരില് നിന്നുമുളള ഭീഷണികള് സര്ക്കാര് സമഗ്രമായി നേരിടുക തന്നെ ചെയ്യുമെന്ന് അമരീന്ദര് സിംഗ് പറഞ്ഞു. പഞ്ചാബിനേരേ വരുന്ന ഭീഷണികളെല്ലാം രാജ്യത്തിനുനേരേ വരുന്ന ഭീഷണികളാണെന്നും അദ്ദേഹം കൂട്ടിച്ചേര്ത്തു.