കാബൂള്‍: അഫ്ഗാന്‍റെ തലസ്ഥാനമായ കാബൂള്‍ താലിബാന്‍ പിടിച്ചെടുത്തതിന് പിന്നാലെ നാടുവിട്ട പ്രസിഡന്‍റ് അഷറഫ് ഗനിക്കെതിരെ രൂക്ഷവിമര്‍ശനവുമായി ഇന്ത്യയിലെ അഫ്ഗനിസ്ഥാന്‍ എംബസിയുടെ ട്വീറ്റ്. എന്നാല്‍ ട്വീറ്റ് ചര്‍ച്ചയായതോടെ ട്വിറ്റര്‍ അക്കൗണ്ട് ഹാക്ക് ചെയ്യപ്പെട്ടുവെന്നാണ് ഉദ്ധ്യോഗസ്ഥര്‍ നല്‍കുന്ന വിവരം.
അപമാനത്താല്‍ തലയുയര്‍ത്താന്‍ സാധിക്കുന്നില്ല. എല്ലാ കാര്യങ്ങളും കൈവിട്ട് പോയിരിക്കുന്നു. എല്ലാരെയും കെണിയിലാക്കി തന്‍റെ അടുത്തവരുമായി ഗനി ബാബ ഒളിച്ചോടിയിരിക്കുന്നു. അഭയാര്‍ത്ഥികളായവരോട് തങ്ങള്‍ മാപ്പ് ചോദിക്കുന്നു. രാജ്യദ്രോഹികളെ അള്ളാഹു ശിക്ഷിക്കട്ടെ. അയാളുടെ ഈ പ്രവര്‍ത്തി നമ്മുടെ ചരിത്രത്തില്‍ കളങ്കമായിരിക്കുമെന്നാണ് തിങ്കളാഴ്ച രാവിലെ വന്ന ട്വീറ്റില്‍ പറയുന്നത്. ഇന്ത്യന്‍ വിദേശകാര്യ മന്ത്രാലയത്തെ ട്വീറ്റില്‍ മെന്‍ഷന്‍ ചെയ്തിട്ടുണ്ട്.
മുസിരിസ് പോസ്റ്റിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക
തനിക്ക് അക്കൗണ്ടിലേക്ക് പ്രവേശനമില്ല. അത് ഹാക്ക് ചെയ്യപ്പെട്ടതാണ്. ഒരു സുഹൃത്ത് ഈ ട്വീറ്റിന്‍റെ സ്ക്രീൻഷോട്ട് അയച്ചു. തനിക്ക് ഇത് കാണാന്‍ സാധിക്കുന്നില്ല. നിരവധി തവണ ട്വിറ്റര്‍ അക്കൗണ്ട് ലോഗിൻ ചെയ്യാൻ ശ്രമിച്ചു. പക്ഷേ അതിന് സാധിക്കുന്നില്ലായെന്ന് ഇന്ത്യയിലെ അഫ്ഗാൻ എംബസിയുടെ പ്രസ് സെക്രട്ടറി അബ്ദുൽഹഖ് ആസാദ് വ്യക്തമാക്കി.
