തിരുവനന്തപുരം: കേരളാ പൊലീസില് ആര് എസ് എസ് ഗ്യാങ് പ്രവര്ത്തിക്കുന്നുണ്ടെന്ന് സി പി ഐ നേതാവ് ആനി രാജ. സര്ക്കാര് നയത്തിനെതിരെ ഈ വിഭാഗം പ്രവര്ത്തിക്കുകയാണെന്നും ആനി രാജ കുറ്റപ്പെടുത്തി. അതേസമയം, സ്ത്രീ സുരക്ഷക്ക് പ്രത്യേക വകുപ്പും മന്ത്രിയും വേണമെന്നും ആനി രാജ പറഞ്ഞു. ഇക്കാര്യം ആവശ്യപ്പെട്ട് മുഖ്യമന്ത്രിക്കും എല് ഡി എഫ് കണ്വീനര്ക്കും കത്ത് നല്കുമെന്നും ആനി രാജ വ്യക്തമാക്കി.
പിണറായി സര്ക്കാര് രണ്ട് തവണ അധികാരത്തിലെത്തിയപ്പോഴും സ്ത്രീകളുടെയും, കുട്ടികളുടെയും പ്രശ്നങ്ങള് മികച്ച രീതിയിലാണ് കൈകാര്യം ചെയ്യുന്നത്. എന്നാല് സര്ക്കാരിന്റ മികച്ച പ്രവര്ത്തനങ്ങള് ഇല്ലാതാക്കുവാന് ആര്എസ്എസിന്റെ ഒരു വിഭാഗം കേരള പൊലീസില് പ്രവര്ത്തിക്കുന്നു. ഇതിലൂടെ സര്ക്കാരിന്റെയും ആഭ്യന്തര വകുപ്പിന്റെയും പ്രതിച്ഛായ മോശമാക്കുകയാണ്. പൊലീസ് സർക്കാരിന് ദേശീയ തലത്തില് നാണക്കേട് ഉണ്ടാക്കിയെന്നും ആനി രാജ കൂട്ടിച്ചേര്ത്തു.
മുസിരിസ് പോസ്റ്റിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
കഴിഞ്ഞ ദിവസം മോഷണക്കുറ്റം ആരോപിച്ച് അച്ഛനേയും മകളേയും പരസ്യ വിചാരണ ചെയ്ത സംഭവവും, സ്ത്രീധന പീഡനക്കേസില് പൊലീസ് എടുക്കുന്ന നിലപാടുകളും ചൂണ്ടിക്കാട്ടിയാണ് ആനി രാജയുടെ വിമര്ശനം. നിയമാവബോധമുള്ള പൊലീസുകാര് സംസ്ഥാനത്ത് കുറവാണെന്നും ആനി രാജ കൂട്ടിച്ചേര്ത്തു. അതേസമയം, ആനി രാജയുടെ ആരോപണം ഗൗരവതരമെന്ന് പ്രതിപക്ഷ നേതാവ് വി ഡി സതീശന് പറഞ്ഞു. ഇക്കാര്യത്തില് സർക്കാർ നടപടി സ്വീകരിക്കണമെന്നും വി ഡി സതീശന് ആവശ്യപ്പെട്ടു.
